كولىك مينيسترلىگىنىڭ كولىكتىك باقىلاۋ ينسپەكتسياسىنىڭ قىزمەتكەرلەرى اۋىر سالماقتى جەل گەنەراتورلارىنىڭ بولشەكتەرىن تاسىمالدايتىن «م نەفتسەرۆيس» جشس-ءنىڭ كولىك قۇرالدارىن ولشەدى. ولشەۋ ناتيجەسى بويىنشا ورتا ەسەپپەن العاندا كولىككە تيەلگەن ارتىق جۇك مولشەرى 85 توننانى كورسەتتى. وسىلايشا, ەل بيۋدجەتىنە تۇسەتىن قوسىمشا قاراجات 26 ملن 850 مىڭ تەڭگەنى قۇرادى, دەپ حابارلايدى Egemen.kz ۆەدومستۆونىڭ ءباسپاسوز قىزمەتىنە سىلتەمە جاساپ.
حابارلانعانداي, «ۇسسو» اق گەودەزيسى مەن ماماندارى ولشەۋ راسىمىندە قولدانىلعان تارازى جابدىعى مەن الاڭعا قويىلاتىن تالاپتاردىڭ سايكەستىگىن راستاعان. اۋىر جۇكتى ولشەۋ تاسىمالداۋشى «م نەفتسەرۆيس» جشس ديرەكتورىنىڭ جانە باس كولىك پروكۋراتۋراسى وكىلدەرىنىڭ قاتىسۋىمەن جۇزەگە اسىرىلعان.
كولىكتىك باقىلاۋ ناتيجەسى بويىنشا اكىمشىلىك قۇقىق بۇزۋشىلىق تۋرالى 22 حاتتاما تولتىرىلعان: ارنايى رۇقساتتاعى سالماق پارامەترلەرى 85 توننادان اسقانى; جۇرگىزۋشىلەردىڭ ەڭبەك جانە دەمالىس ءتارتىبىن بۇزۋى; لاۋازىمدى ادامدارعا جۇمىس بارىسىندا كەدەرگى جاساۋ; حالىقارالىق تاسىمالداۋعا رۇقسات كارتاسىنىڭ بولماۋى. بۇعان دەيىن بۇل تاسىمالداۋشى ولشەۋ راسىمىنەن باس تارتىپ, باق ارقىلى شىندىققا جاناسپايتىن جالعان اقپارات تاراتقان. ەستەرىڭىزگە سالا كەتەيىك, كولىك قۇرالدارىنىڭ سالماعىن دەر كەزىندە ولشەمەۋ جولدىڭ مەرزىمىنەن بۇرىن توزۋىنا اكەلەدى.