ورتالىق ازيادا العاش رەت «الماتىداعى فرانكفۋرت كىتاپ جارمەڭكەسى: باسپا ىسىندەگى زاماناۋي ۇردىستەر جانە اۆتورلىق قۇقىق مەنەدجمەنتى» اتتى سەمينار ءوتتى. ءىس-شارا حالىقارالىق باسپا نارىعىنداعى جاڭاشىلدىقتار مەن تۇيتكىلدى ماسەلەلەردى تالقىلادى.
ايتا كەتەيىك, سەمينار مادەنيەت جانە اقپارات مينيسترلىگىنىڭ, فرانكفۋرت كىتاپ جارمەڭكەسىنىڭ, قازاقستان باسپاگەرلەر, پوليگرافيستەر جانە كىتاپتاراتۋشىلار قاۋىمداستىعىنىڭ, ءال-فارابي اتىنداعى قازاق ۇلتتىق ۋنيۆەرسيتەتىنىڭ, «Nomad Culture Foundation» قورىنىڭ قولداۋىمەن ۇيىمداستىرىلدى.
اتالعان ءىس-شارا باسپاگەرلەرگە وسى سالاداعى زاماناۋي تەحنولوگيالاردى مەڭگەرۋگە, حالىقارالىق بايلانىستاردى نىعايتۋعا جانە الەمدىك ساراپشىلارمەن تاجىريبە الماسۋعا مۇمكىندىك بەرەدى.
باعدارلاما اياسىندا اۆتورلىق قۇقىق پەن ليتسەنزيا ساتىپ الۋ-ساتۋداعى حالىقارالىق تاجىريبە, سونداي-اق «Frankfurt Connect» جانە «Frankfurt Rights» پلاتفورمالارىنىڭ جۇمىسىن تالقىلاۋ سياقتى وزەكتى ماسەلەلەر ورتاعا سالىندى. بۇل پلاتفورمالار ىسكەرلىك قارىم-قاتىناس پەن كىتاپ قۇقىن باسقارۋعا ارنالعان.
القالى جيىندا سپيكەرلەر – نيكول ۋيتت, گەرمان ەكەل, بەتتينا باك جانە ۆلادكا كۋپسكا بايانداما جاسادى. ارنايى قوناق رەتىندە فرانكفۋرت كىتاپ جارمەڭكەسىنىڭ پرەزيدەنتى يۋرگەن بووس قاتىستى.
سەمينارعا جيىرما وتاندىق باسپا مەن پوليگرافيا سالاسىنىڭ 40-تان استام مامانى مەن وقىتۋشىسى قاتىستى. 19 قاراشاعا دەيىن جالعاسقان ءىس-شارادا «باسپا قىزمەتىندە جاساندى ينتەللەكتىنى قولدانۋ: حالىقارالىق تاجىريبە» تاقىرىبى دا قامتىلدى.