الماتى وبلىسىنداعى جەكەمەنشىك مەكتەپ مۇعالىمدەرىنە جارتى جىلدان استام ۋاقىت بويى جالاقى تولەنبەگەن, دەپ حابارلايدى Egemen.kz.
وبلىستىق پروكۋراتۋرانىڭ حابارلاۋىنشا, ەڭبەكشىقازاق اۋدانىنداعى «مەيىرىمدى پەرىشتە» جەكەمەنشىك مەكتەپ-گيمنازياسىنىڭ بانكروتتىق راسىمىندە بولۋىنا بايلانىستى باسشىلىق مۇعالىمدەردىڭ جالاقىسىن بەرمەگەن.
«56 مۇعالىمگە تيەسىلى قارىزدىڭ جالپى سوماسى 40 ميلليون تەڭگەنى قۇرادى. اتقارۋشىلىق ءىس جۇرگىزۋدىڭ بولۋىنا قاراماستان, قىزمەتكەرلەر الدىنداعى مىندەتتەمەلەر ورىندالماي قالدى», دەلىنگەن حابارلامادا.
پروكۋراتۋرانىڭ ارالاسۋى ناتيجەسىندە بورىشكەردىڭ جىلجىمايتىن مۇلكى انىقتالىپ, ساتىلعانى اتاپ ءوتىلدى.
«الىنعان قاراجات قارىزداردى وتەۋگە جۇمسالدى, بۇل مۇعالىمدەردىڭ ەڭبەك قۇقىقتارىن تولىق قالپىنا كەلتىرۋگە مۇمكىندىك بەردى», دەلىنگەن حابارلامادا.