قازاقستان سور29 اياسىندا بۇۇ ركيك قۇرامىنا كىرەتىن 197 ەلدىڭ ىشىنەن تەك 9-ى عانا ۇسىنعان ترانسپارەنتتىلىك بويىنشا ەكى جىلدىق ەسەپتى (Biennial Transparency report-BTR1) ۇسىنعان ەل بولدى, دەپ حابارلايدى Egemen.kz
بۇل – پاريج كەلىسىمىندە قويىلعان كليماتتىق ماقساتتارعا قول جەتكىزۋ بويىنشا قازاقستاننىڭ ورتالىق ازيا وڭىرىندەگى كوشباسشىلىعىن راستايدى. وسىعان سايكەس, قر 2024 جىلعى 31 جەلتوقسانعا دەيىنگى مەرزىمدە ترانسپارەنتتىلىك بويىنشا ەكى جىلدىق باياندامانى (Biennial Transparency report – BTR1) ۇسىنۋعا مىندەتتى.
ەكولوگيا جانە تابيعي رەسۋرستار مينيسترلىگىنىڭ ءمالىم ەتۋىنشە BTR1 پارنيكتىك گازداردى تۇگەندەۋ جانە ونۋۆ ورىندالۋىن باقىلاۋ تۋرالى مىندەتتى اقپاراتتى قامتيدى. سونداي-اق, BTR 1 كليماتتىڭ وزگەرۋىنىڭ اسەرى جانە تەحنولوگيالاردى ازىرلەۋ جانە بەرۋ ءارى الەۋەتتى ارتتىرۋ سالاسىنداعى بەيىمدەلۋ جانە قارجىلىق قولداۋ تۋرالى اقپاراتتى قامتيدى.
BTR1 نەگىزگى بولىگى «جاسىل دامۋ» اق دايىنداعان پارنيكتىك گازدار كوزدەرىنەن انتروپوگەندىك شىعارىندىلار جانە سىڭىرگىشتەردىڭ ءسىڭىرىلۋى تۋرالى ۇلتتىق بايانداما بولىپ تابىلادى.
بۇۇ ركيك حاتشىلىعىنىڭ سايتىندا https://unfccc.int/first-biennial-transparency-reports تولىعىراق تانىسۋعا بولادى.