مادەنيەت جانە اقپارات مينيسترلىگى تاريحي تەاترلاردى قالپىنا كەلتىرۋ جانە جاڭعىرتۋ بويىنشا اۋقىمدى جۇمىستاردى جالعاستىرىپ جاتىر. سونىڭ ىشىندە مۇحتار اۋەزوۆ اتىنداعى قازاق ۇلتتىق دراما تەاترى دا بار.
تەاتر عيماراتى سالىنعاننان بەرى كۇردەلى جوندەۋدەن وتپەگەن. ينجەنەرلىك جەلىلەرى مەن ماتەريالدىق-تەحنيكالىق بازاسى توزعاندىقتان, ءورت قاۋپى جوعارى. عيمارات رەكونسترۋكتسياسى تەاتردىڭ تاريحي كەلبەتىن ساقتاي وتىرىپ جۇرگىزىلەدى. ويتكەنى عيمارات جەرگىلىكتى ماڭىزى بار مادەني ەسكەرتكىش مارتەبەسىنە يە.
سونىمەن قاتار دەمەۋشىلەر قاراجاتىمەن اباي اتىنداعى قازاق ۇلتتىق وپەرا جانە بالەت تەاترى عيماراتىندا دا ىشكى جوندەۋ جۇمىستارى جۇرگىزىلىپ جاتىر. قازىردىڭ وزىندە جەتى بولمە, ونىڭ ىشىندە وركەستر مەن حور زالدارى, مۋزەي, گريم بولمەلەرى, قابىلداۋ زالى جانە باسقا دا زالدارى جاڭارتىلدى.
بۇعان قوسا ن.ساتس اتىنداعى مەملەكەتتىك اكادەميالىق ورىس بالالار مەن جاسوسپىرىمدەر تەاترىندا دا كوپ وزگەرىس بولادى. عيماراتتىڭ كۇردەلى جوندەۋ بويىنشا جوبالىق-سمەتالىق قۇجاتتاماسى مەملەكەتتىك ساراپتامادان ءوتىپ جاتىر.
رەسپۋبليكالىق اكادەميالىق نەمىس دراما تەاترى دا نازاردان تىس قالمايدى. مادەنيەت جانە اقپارات مينيسترلىگىنىڭ ءباسپاسوز قىزمەتىنىڭ حابارلاۋىنشا, بۇرىنعى كينوتەاتر عيماراتىندا ورنالاسقان تەاتردى جوندەۋ جانە گازداندىرۋ ماسەلەسى بۇگىندە ۇلتتىق ەكونوميكا مينيسترلىگىنىڭ قاراۋىندا تۇر.
سونداي-اق مينيسترلىك 2025 جىلى ع.مۇسىرەپوۆ اتىنداعى قازاق مەملەكەتتىك اكادەميالىق بالالار مەن جاسوسپىرىمدەر تەاترىنىڭ عيماراتىنا ساراپتاما جۇرگىزۋدى جوسپارلاپ وتىر. ساراپتاما بارىسىندا ونىڭ كۇردەلى جوندەۋ جۇمىستارى بويىنشا الداعى جۇمىس كولەمى انىقتالادى.
ايتا كەتەيىك, 2020 جىلى ق.قوجامياروۆ اتىنداعى رەسپۋبليكالىق مەملەكەتتىك اكادەميالىق ۇيعىر مۋزىكالىق كومەديا تەاترىنىڭ كۇردەلى جوندەۋ جۇمىستارىنىڭ اياقتالعان ەدى.