قىزىلوردا وبلىسىنىڭ تۇرعىنى قارجىلىق پيراميدا ۇيىمداستىرعانى ءۇشىن 5 جىلعا سوتتالدى, دەپ حابارلايدى Egemen.kz باس پروكۋراتۋرانىڭ ءباسپاسوز قىزمەتىنە سىلتەمە جاساپ.
انىقتالعانداي, ازاماتشا شاگيروۆا كووپەراتيۆتىك فيليال اشۋ ارقىلى ينتەرنەت جەلىسىندە ەشقانداي پايىزسىز ءۇي جانە اۆتوكولىك الۋدى جارنامالاپ, ۇگىت-ناسيحات جۇمىستارىن جۇرگىزىپ, سالىمشىلاردى وزىنە اقشالاي سالىم جاساۋعا شاقىرعان.
«ونىڭ قىلمىستىق ارەكەتىنىڭ سالدارىنان قىزىلوردا قالاسىنىڭ 11 تۇرعىنىنا 15 ملن تەڭگە كولەمىندە م ۇلىكتىك زيان كەلسە, 3 جابىرلەنۋشى 2 اۆتوكولىگىنەن جانە 1 ازامات جەر تەلىمىنەن ايىرىلعان», دەلىنگەن حابارلامادا.
قىزىلوردا قالاسىنىڭ №2 سوتىنىڭ ۇكىمىمەن ازاماتشا شاگيروۆا قر قك-ءنىڭ 217-بابى 3-بولىگىنىڭ 2)-تارماعىمەن كىنالى دەپ تانىلىپ, مۇلكى تاركىلەنىپ, 5 جىل مەرزىمگە باس بوستاندىعىنان ايىرۋ جازاسى تاعايىندالعان.
ەستەرىڭىزگە سالا كەتەيىك, اسا جوعارى پايىز, كۇن سايىنعى كىرىس جانە ءار ەرتىپ كەلگەن ادام ءۇشىن بونۋس ۇسىنسا, سەنىپ قالماڭىز, بۇل - ناعىز قارجىلىق پيراميدانىڭ بەلگىسى.