دونالد ترامپ بيزنەسمەن يلون ماسكقا جاڭادان قۇرىلاتىن ۇكىمەتتە تيىمدىلىك مينيسترلىگىن باسقارۋدى ۇسىندى, دەپ حابارلايدى Egemen.kz.
ميللياردەر بۇل قىزمەتتى بيزنەسمەن ۆيۆەك راماسۆاميمەن بىرلەسە اتقارادى. ول بۇرىن رەسپۋبليكالىق پارتيا اتىنان پرەزيدەنتتىككە كانديدات بولعان ەدى. ترامپتىڭ مالىمدەۋىنشە, ەكەۋى بىرلەسە ۇكىمەتتىك بيۋروكراتيانى جويۋعا, شەكتەن تىس رەتتەۋدى ازايتۋعا, ىسىراپ شىعىنداردى قىسقارتۋعا, فەدەرالدىق اگەنتتىكتەردى قايتا قۇرۋعا جول اشادى. جاڭا مينيسترلىك كەڭ اۋقىمدى قۇرىلىمدىق رەفورمالار جۇرگىزۋ ءۇشىن اق ۇيمەن جانە بيۋدجەت باسقارماسىمەن بىرگە جۇمىس ىستەيدى.
سونىمەن بىرگە ترامپ پەنتاگون باسشىسى قىزمەتىنە Fox News تەلەارناسىنىڭ جۇرگىزۋشىسى پيت حەگسەتتى, ال ورتالىق بارلاۋ باسقارماسى جەتەكشىلىگىنە ۇلتتىق بارلاۋدىڭ بۇرىنعى ديرەكتورى دجون رەتكليففتى ۇسىندى. سەناتور ماركو رۋبيوعا مەملەكەتتىك حاتشى لاۋازىمى بۇيىرۋى مۇمكىن.