ءماجىلىس دەنە شىنىقتىرۋ جانە سپورت ماسەلەلەرى بويىنشا, سونداي-اق تۋريزم جانە سپورت مينيسترلىگى باستاماشىلىق ەتكەن نورمالاردىڭ ارتىق (شامادان تىس) زاڭنامالىق رەگلامەنتتەلۋىن بولعىزباۋ ماسەلەلەرى بويىنشا زاڭ جوباسىن ءبىرىنشى وقىلىمدا ماقۇلدادى, دەپ حابارلايدى Egemen.kz.
زاڭ جوباسى اياسىندا دەنە شىنىقتىرۋ جانە سپورت سالاسىنداعى مەملەكەتتىك مەكەمەلەرگە تاۋارلاردى, جۇمىستاردى, قىزمەتتەردى اقىلى نەگىزدە وتكىزۋ قۇزىرەتى بەرىلەدى.ولارعا ءىس-شارالاردى (سپورتتىق جارىستار, سەمينارلار, كەڭەستەر مەن كونفەرەنتسيالار) ۇيىمداستىرۋ جانە وتكىزۋ ماقساتىمەن حالىقتى ارنايى سپورتتىق جابدىقتارمەن, دەنە شىنىقتىرۋ-ساۋىقتىرۋ جانە سپورت وبەكتىلەرىمەن قامتاماسىز ەتۋ بويىنشا قىزمەتتەر, سپورتتىق مەديتسينا سالاسىنداعى قىزمەتتەر كىرەدى.
بۇدان بولەك سپورتشىلاردى جارىستارعا قاتىسۋعا دايىنداۋ, ولاردى تاماقپەن قامتاماسىز ەتۋ, سپورتتىق شارالار مەن جازعى دەمالىستى ۇيىمداستىرۋ جانە وتكىزۋ دە بار. بۇل رەتتە ولاردى ساتۋدان تۇسكەن تابىس بيۋدجەت زاڭناماسىنا سايكەس پايدالانىلادى.