قاراعاندى وبلىسىندا بۇرىن-سوندى بولىپ كورمەگەن سۋ تاسقىنى اسىرەسە, سەلولىق وكرۋگىمىز اۋماعىنداعى جۇمابەك اۋىلى تۇرعىندارىنا اۋىر سوقتى. جان-جاقتان جوڭكىلگەن سەلدىڭ الدى وسى جەردى باسىپ وتكەن بولاتىن. وبلىس, اۋدان تاراپىنان شۇعىل شارالار قولدانۋدىڭ ارقاسىندا بولجاپ بولماس قاتەردىڭ بەتى قايتارىلدى. الايدا 17 ءۇي قىزىل سۋعا كولكىپ, مال-م ۇلىك شىعىنى ورىن الدى. قازىر جاعداي وڭالىپ كەلەدى. تابيعات قىسىمىنان زارداپ شەككەن وتباسىلار ازىق-ت ۇلىكپەن, كيىممەن, توسەك-ورىنمەن دەر كەزىندە قامتاماسىز ەتىلدى. بۇل كۇندە ءاربىر ءۇي يەسىنەن ب ۇلىنگەن تۇرمىستىق زاتتار تىزبەسى الىنىپ, ورنىن تولتىرۋ قاراستىرىلىپ جاتىر.
اۋىل تۇرعىندارىنىڭ وسىنداي قىسىلشاڭ شاقتا وزدەرىنە كومەككە كەلىپ, قامقورلىق جاساۋشىلارعا رازىلىعى ەرەكشە ەكەنىن جەتكىزە كەتۋ دۇرىس كورىنەدى. «قازاگروماركەتينگ», «قازمۇنايگاز» اق وبلىستىق فيليالدارى, اباي اۋداندىق كاسىپكەرلەر پالاتاسى سياقتى ۇيىمدار العاشقىلاردىڭ ءبىرى بولىپ قول ۇشىن سوزدى. وعان جەرگىلىكتى كاسىپكەرلەر دە قوسىلىپ, كومەك-قولداۋ كولەمىن ودان سايىن ءوسىردى. ماسەلەن, اقپارجان تۇماباەۆ باسپاناسىن سۋ شايىپ كەتكەن وتباسىعا ۋاقىتشا تۇرۋعا ءوزىنىڭ بوس تۇرعان ءۇيىن بەرسە, فاريدا اڭساروۆا, نەسىپكۇل لياسوۆا, ريما شين, تاعى باسقالارى اۋىلداستارىمەن قولدارىندا بارىمەن بولىسۋدە.
بۇل كۇندە قيىندىق بەتى تولىعىمەن قايتتى. اۋدان اكىمى سەرىك شايداروۆتىڭ ۇيىمداستىرۋىمەن ايماقتاعى ءىرى كاسىپورىندار دەمەۋشىلىككە تارتىلىپ, ولار بىرنەشە ۇيلەردى, قورالاردى قالپىنا كەلتىرۋدى ءوز مويىندارىنا الدى. ءبىر ءۇيدىڭ جاڭادان سالىنۋى باستالىپ تا كەتتى.
ادامداردىڭ ءبىر-بىرىنە باۋىرمالدىعى, قيىندىقتاردى بىرلەسىپ كوتەرۋگە ىنتاسى, كومەككە دايىندىعى, مەملەكەتتىك ناقتى قامقورلىق شۋاعى قادىرىن سۋ تاسقىنى زاردابىنا ۇشىراۋشىلاردىڭ ءوز باستارىنان سەزىنىپ, سوعان دەگەن شىنايى ريزالىق سايلاۋعا بەلسەندىلىكپەن قاتىسۋلارى ارقىلى ءبىلىندى دەۋگە بولادى. سەلولىق وكرۋگىمىزدە داۋىس بەرۋ بۇرىنعىدان دا جوعارى دەڭگەيدە ءوتتى.
جانات ءجۇمادىل,
قۇرما سەلولىق وكرۋگىنىڭ اكىمى.
قاراعاندى وبلىسى,
اباي اۋدانى.