قر ۇلتتىق بانكى 2011 جىلعى ۇلگىدەگى نومينالى 5000 تەڭگەلىك جانە 2023 جىلعى ۇلگىدەگى وزگەرتىلگەن ۇلگىدەگى 5000 تەڭگەلىك بانكنوتتاردىڭ اينالىمدا قاتار ءجۇرۋ كەزەڭى 2025 جىلعى 24 قىركۇيەككە دەيىن ۇزارتىلعانىن حابارلايدى, دەپ جازادى Egemen.kz ۇلتتىق بانكتىڭ ءباسپاسوز قىزمەتىنە سىلتەمە جاساپ.
اينالىمدا قاتار ءجۇرۋ كەزەڭى اياقتالعاننان كەيىن, ياعني 2025 جىلعى 25 قىركۇيەكتەن باستاپ بارلىق بانك پەن قازپوشتادا 3 جىل ىشىندە, ال قۇب فيليالدارى ەسكى ۇلگىدەگى بانكنوتالاردى جاڭا ۇلگىدەگى بانكنوتالارعا مەرزىمسىز ايىرباستايدى.
«اينالىمدا قاتار ءجۇرۋ كەزەڭىندە جاڭا ۇلگىدەگى جانە ەسكى ۇلگىدەگى بانكنوتالار زاڭدى تولەم قۇرالى بولىپ قالاتىنىن, تولەمدەر مەن اۋدارىمدار جاسالا بەرەتىنىن, بانك شوتتارىنا اۋدارۋ ءۇشىن قازاقستان رەسپۋبليكاسىنىڭ بۇكىل اۋماعىندا ولاردىڭ اتاۋلى قۇنى ساقتالاتىنىن جانە قابىلداۋعا جاتاتىنىن اتاپ وتەمىز. ول بانكنوتالاردىڭ بارلىعى قۇب فيليالدارىندا, قازپوشتادا جانە ەلىمىزدەگى ەكىنشى دەڭگەيلى بانكتەر مەن قازاقستانداعى بەيرەزيدەنت بانكتەردىڭ فيليالدارىندا ەش شەكتەۋسىز ايىرباستالادى جانە اۋىستىرىلادى», دەپ اتاپ ءوتتى ۇلتتىق بانك.
سونداي-اق ۇلتتىق بانك زاڭدى تولەم قۇرالى بولىپ تابىلاتىن بانكنوتتار مەن مونەتالاردى قابىلداۋدان باس تارتۋ اكىمشىلىك قۇقىق بۇزۋشىلىق بولىپ تابىلاتىنىن ەسكە سالدى.