بيىلعى جىلدان باستاپ وتباسى بانك قازاقستاندىقتارعا تۇرعىن ۇيگە عانا ەمەس, ءبىلىم الۋعا دا اقشا جيناۋعا كومەكتەسە باستاعانى بەلگىلى. بالالاردىڭ بولاشاعىنا ۇلكەن مۇمكىندىكتەردىڭ ەسىگىن اشاتىن دۇنيە ساپالى ءبىلىم ەكەنى انىق. اتالعان بانكتىڭ «AQYL» دەپوزيتى كەلەشەكتە ءبىلىمدى جاستاردىڭ ارمانىن باعىندىرىپ بىلىمدەرىن جەتىلدىرۋگە ءوز سەپتىگىن تيگىزە الادى.
«بيىلعى جىلدىڭ 1 اقپانىنان باستاپ قازىرگى ۋاقىتقا دەيىن وتباسى بانكىندە 57 267 ءبىلىم بەرۋ شوتى اشىلعان. سەمەي قالاسىنىڭ جاس فۋتبولشىسى بانك دەپوزيتىنىڭ 50 مىڭىنشى سالىمشىسى اتاندى. 9 جاستاعى جەتكىنشەكتىڭ جەتىستىكتەرى جەتەرلىك – ول مەكتەپتەگى ۇزدىك وقۋشىلاردىڭ ءبىرى. فۋتبول ويناعاندى جانى قالايتىن تالانتتى بالانىڭ ارمانى كەلەشەكتە تانىمال فۋتبولشى بولۋ. ونىڭ بۇل بانكتەگى جيناعى بولاشاقتا ارمانىنا جەتۋگە جانە ساپالى ءبىلىم الۋىنا كومەكتەسەدى», دەيدى ماماندار.
بيىلعى جىلى وتباسى بانك مەملەكەتتىك ءبىلىم بەرۋ جيناقتاۋ جۇيەسىنىڭ قاتىسۋشىسى بولىپ, اۋقىمدى باعدارلامالاردى جۇزەگە اسىرىپ كەلەدى. سونىڭ ءبىرى مەكتەپ بىتىرگەن ازاماتتارعا وقۋ اقىسىن تولەۋگە قول ۇشىن بەرەتىن «AQYL» دەپوزيتى. بانك ۇسىنعان دەرەكتەرگە سەنسەك ەڭ ۇنەمشىل ءارى بالالارىنا بارىنشا جاعداي جاساۋعا ىنتىق اتا-انالار شىمكەنت, استانا, الماتى, ماڭعىستاۋ جانە اتىراۋ وبلىستارىندا تۇرادى. ءدال وسى ايماقتاردا ءبىلىم بەرۋ دەپوزيتتەرى ءجيى اشىلادى ەكەن. بۇگىنگى كۇنى وسى وڭىرلەردىڭ سالىمشىلارىنىڭ شوتىندا 795,8 ملن تەڭگە جينالعان.
«قازىر مەملەكەتتىك ءبىلىم بەرۋ جيناقتاۋ جۇيەسىنە التى قازاقستاندىق بانك پەن بەس ساقتاندىرۋ كومپانياسى كىرەدى. بيىلعى جىلى «قارجى ورتالىعى» اق اشىلعان دەپوزيتتەر بويىنشا مەرەيتويلىق كورسەتكىشتى اتاپ ءوتتى. بۇگىنگى تاڭدا 70 000 قازاقستاندىق «AQYL» ءبىلىم بەرۋ سالىمدارىنا اقشا جيناپ ءجۇر, ولار بۇل قاراجاتتى كەيىننەن ەلىمىزدە دە, شەتەلدە دە ءبىلىم بەرۋ اقىسىن تولەۋگە پايدالانا الادى. «AQYL» دەپوزيتىن اشا وتىرىپ, كليەنتتەر بانكتەن سىياقى الۋدان بولەك, سالىمشىنىڭ الەۋمەتتىك ساناتىنا بايلانىستى جىل سايىن 5% نەمەسە 7% مەملەكەتتىك سىيلىقاقى الادى», دەيدى «قارجى ورتالىعى» اق باسقارما توراعاسى اسقار يبرايموۆ.
«AQYL» دەپوزيتى 3 نەمەسە 5 جىل مەرزىمگە اشىلادى. ەگەر دەپوزيت كەمىندە ءۇش جىل مەرزىمگە اشىلاتىن بولسا, وندا مولشەرلەمە جىلدىق 12%-عا تەڭ. ال, سالىمدى كەمىندە 5 جىلعا جوسپارلاسا, وندا دەپوزيت بويىنشا مولشەرلەمە 9,5%-عا تەڭ بولادى ەكەن. ەڭ ماڭىزدىسى, بانك قوسقان سىياقى اي سايىن كاپيتالداندىرىلىپ وتىرادى. بۇل بانك پايىزى دەپوزيت سوماسىنا قوسىلاتىندىعىن جانە كەلەسى ايدا وسى اقشاعا جاڭادان سىياقى ەسەپتەلىپ, ەسەپشوتتاعى قارجى ەسەلەنىپ وتىرادى. مەرزىمى, پايىزدىق مولشەرلەمەسى جانە كاپيتالداندىرىلۋى جيىنتىق رەتىندە سالىمدى ءتيىمدى تۇردە كوبەيتۋگە كومەكتەسەدى.
«بيىلعى جىلدان باستاپ وتباسى بانك قازاقستاندىقتارعا تۇرعىن ۇيگە عانا ەمەس, ءبىلىم الۋعا دا اقشا جيناۋعا كومەكتەسەدى. ويتكەنى, ءبىزدىڭ بالالارىمىزدىڭ الدىندا ۇلكەن مۇمكىندىكتەر ەسىگىن اشاتىن دۇنيە بۇل – ساپالى ءبىلىم. ءبىلىمنىڭ كۇشىمەن ءسىز بارلىق ارمان مەن تىلەكتەرىڭىزدى جۇزەگە اسىرا الاسىز, مەيلى ول ءۇي ساتىپ الۋ, ساياحاتتاۋ, جەكە تاۋەلسىزدىك نەمەسە تابىسقا جەتۋ بولسىن. ونى ءبىزدىڭ «AQYL» دەپوزيتىمىز ىسكە اسىرۋعا كومەكتەسەدى. 1 اقپاننان باستاپ قازىرگى ۋاقىتقا دەيىن وتباسى بانكىندە 57 267 ءبىلىم بەرۋ شوتى اشىلدى», دەدى وتباسى بانكىنىڭ باسقارما توراعاسى ءلاززات يبراگيموۆا.
بالالاردىڭ بىلىمىنە قاراجات جيناقتاۋ كەزىندە مەملەكەت تاراپىنان جىل سايىن 5% كولەمىندە سىيلىقاقى قوسىلادى. سونىمەن قاتار مەملەكەتتىك قارجى ەسەبىنەن جىل سايىن الەۋمەتتىك وسال وتباسىلاردىڭ بالالارىنا اشىلعان دەپوزيتتەرگە 7% مولشەرىندە سىيلىقاقى ۇسىنىلادى. باستى شارتى مەملەكەتتىك سىيلىقاقىعا يە بولۋ ءۇشىن سالىم ءبىر جىل بويى جيناقتالۋى ءتيىس.
وتباسى بانك قىزمەتكەرلەرىنىڭ سوزىنشە «AQYL» دەپوزيتىن ۇلتتىق قوردان الىنعان جيناقتارمەن تولىقتىرۋعا بولادى ەكەن. بيىل 18 جاسقا تولعان قازاقستاندىقتار وسى تولەمدەرگە يەلىك ەتە الادى. ونى «ۇلتتىق قور – بالالارعا» جوباسى اياسىندا enpf-otbasy.kz پلاتفورماسىندا ىسكە اسىرۋعا بولادى.
سەمەي