ىشكى ىستەر مينيسترلىگى اقتوبە وبلىسىنداعى تىكۇشاق اپاتىنا بايلانىستى قىلمىستىق ءىس قوزعادى, دەپ حابارلايدى Egemen.kz.
Telegram-داعى Polisia.kz ارناسىنىڭ مالىمەتىنشە, 9 قاراشادا وبلىستاعى اەرودروم اۋماعىندا وقۋ-جاتتىعۋى كەزىندە مي-8 تىكۇشاعى قاتتى قارقىنمەن قونىپ, كەيىن ونىڭ باگى ورتەنگەن.
سالدارىنان ءبىر ادام قازا تاۋىپ, 2 ادام اقتوبەدەگى اۋرۋحاناعا جەتكىزىلدى.
«بۇل دەرەك بويىنشا قىلمىستىق ءىس قوزعالدى. وقيعا ورنىندا تەرگەۋ ورگاندارى جۇمىس ىستەپ جاتىر», دەپ حابارلادى ءىىم ءاتد باتىس وڭىرلىك اسكەري-تەرگەۋ باسقارماسى.