ولجاس بەكتەنوۆ سۋ تاسقىنى كەزەڭىنە تياناقتى دايىندالۋدى تاپسىردى

ۇكىمەت ءباسپاسوز قىزمەتىنىڭ مالىمەتىنشە, جىل سايىن قاۋىپ شەڭبەرىندە قالاتىن وڭىرلەردەگى سۋ ايدىندارى مەن سۋ وتكىزۋ ستانتسيالارى تەكسەرىلىپ جاتىر. 

جيىنعا قاتىسۋشىلار كەلەر جىلعا ارنالعان گيدرولوگيالىق بولجاممەن دە تانىستى. 

«گيدرولوگيالىق بولجامدارعا سايكەس, قىستا تەمپەراتۋرا رەجيمى كليماتتىق نورما شەگىندە بولىپ, جاۋىن-شاشىن مولشەرى كوپجىلدىق نورمادان اسادى دەپ بولجانعان. 2025 جىلعى سۋ تاسقىنى كەزەڭىن بولجاۋدى جاقسارتۋ ماقساتىندا «قازگيدرومەت» رمك سۋ باسۋ قاۋپى باسىم وزەن ۋچاسكەلەرىندە 31 دەڭگەيلى گيدرولوگيالىق بەكەت ۇيىمداستىرىپ, اشتى. بۇگىنگى تاڭدا 377 گيدرولوگيالىق بەكەت, 25 قار ولشەۋىش مارشرۋت جانە 347 مەتەورولوگيالىق ستانسا جۇمىس ىستەيدى. 9 وبلىستا كوممۋنالدىق مەنشىكتەگى گيدروتەحنيكالىق قۇرىلىستاردى كۇتىپ ۇستاۋ جانە ولارعا قىزمەت كورسەتۋ بويىنشا مامانداندىرىلعان ۇيىمدار قۇرىلدى», دەلىنگەن ۇكىمەت مالىمدەمەسىندە.

سۋ تاسقىنىن الدىن الا بولجاۋ ماقساتىندا وزەندەردە «HBV» جانە «SWIM» ساندىق مودەلدەرىن بەيىمدەۋ بويىنشا جۇمىستار ىسكە اسىرىلىپ جاتىر. سونداي-اق باتىس, شىعىس قازاقستان وبلىستارىندا 95 كم كانالدى مەحانيكالاندىرىلعان تازارتۋ جۇمىستارى جۇرگىزىلدى. وزەندەردىڭ 51 ۋچاسكەسى جانە 10 وبلىستا 1 كول انىقتالىپ وتىر. وندا ءبىرىنشى كەزەكتە وزەندەردىڭ ارنالارىن ساناتسيالاۋ قاجەت ەكەنى انىقتالدى.

سۋ تاسقىنى قاۋپى بار ۋچاسكەلەردە اۆتوجولداردى رەكونسترۋكتسيالاۋ جانە جوندەۋ كەزىندە توپىراق توسەمى ءۇيىندىسىن بيىكتەتۋ ماسەلەسى دە قارالدى. 

«بۇگىندە رەكونسترۋكتسيا جۇرگىزىلگەن نىسانداردا 63 كوپىر سالىنىپ, 324 سۋ وتكىزگىش قۇبىر توسەلدى. رەسپۋبليكالىق جولداردى ورتاشا جوندەۋ شەڭبەرىندە 6 اپاتتى كوپىردى كۇردەلى جوندەۋ جانە سۋ تاسقىنى قاۋپى بار ۋچاسكەلەردە 420 سۋ وتكىزۋ قۇبىرىن ورناتۋ جۇمىستارى جۇرگىزىلىپ جاتىر. ول بويىنشا بارلىعى 396 سۋ تاسقىنى قاۋپى بار ۋچاسكەلەر, 68 كوپىر جانە 768 سۋ وتكىزۋ قۇبىرلارى انىقتالىپ, ەرەكشە باقىلاۋعا الىندى», دەلىنگەن ۇكىمەت حابارلاماسىندا. 

جيىندا كەي وڭىرلەردىڭ وسى باعىتتاعى جۇمىستاردى ۋاقىتىلى ورىنداماي وتىرعانى بەلگىلى بولدى. ۇكىمەت باسشىسى وسىنداي ولقىلىقتاردى ۋاقىتىلى ورىنداماي وتىرعان اكىمدەردى سىنعا الدى. 

ء«وڭىر اكىمدەرى قىسقا مەرزىمدە سۋ تاسقىنىنا قارسى ءىس-شارالاردى جۇزەگە اسىرۋ بويىنشا بارلىق كەشەندى شارالاردى قابىلداۋى ءتيىس. ەڭ الدىمەن, سۋ بۇرۋ ارنالارىنىڭ, ارىقتار مەن درەناج جۇيەلەرىنىڭ دايىندىعىن قامتاماسىز ەتۋ قاجەت. تاسقىن قاۋپى بار ەلدى مەكەندەر ماڭىنا توپىراق بوگەتتەر تۇرعىزىلىپ, ۇلكەن سۋدىڭ كەلۋىنەن قورعالۋى ءتيىس», دەدى ولجاس بەكتەنوۆ.