ءماجىلىس دەپۋتاتتارى قارجىلىق مونيتورينگ اگەنتتىگىنىڭ وكىلدەرىمەن كەزدەسۋ شەڭبەرىندە كىرىستەردى جىلىستاتۋعا جانە تەرروريزمدى قارجىلاندىرۋعا قارسى ءىس-قيمىلدا تالدامالىق قۇرالداردى قولدانۋ مۇمكىندىكتەرىمەن تانىستى, دەپ حابارلايدى Egemen.kz اتالعان اگەنتتىكتىڭ ءباسپاسوز قىزمەتىنە سىلتەمە جاساپ.
كەزدەسۋدە اج/تقق سالاسىنداعى زاڭنامانىڭ فاتف ستاندارتتارىنا سايكەستىك ماسەلەلەرى قوزعالدى.
اگەنتتىك وكىلدەرى مەن ءماجىلىس دەپۋتاتتارى ەلدىڭ ۇلتتىق زاڭناماسىنا ازىرلەنگەن تۇزەتۋلەردى ەنگىزۋدىڭ ماڭىزدىلىعىن اتاپ ءوتتى.
دەپۋتاتتارعا حالىقارالىق ستاندارتتار مەن ۇسىنىمداردىڭ تالاپتارىنا سايكەس كەلۋگە مۇمكىندىك بەرەتىن قاۋىپسىز قارجىلىق ورتانى قامتاماسىز ەتۋگە جانە زاڭنامانى بۇزۋ تاۋەكەلدەرىن ازايتۋعا باعىتتالعان قما جوبالارى مەن باستامالارى تانىستىرىلدى.
اگەنتتىك ۇسىنعان يننوۆاتسيالىق جوبالار ەلدىڭ كىرىستەردى جىلىستاتۋعا قارسى جۇيەسىندە وڭ ناتيجەلەرگە قول جەتكىزۋگە مۇمكىندىك بەردى.
كەزدەسۋ قورىتىندىسى بويىنشا دەپۋتاتتار اج/تقق سالاسىندا ءتيىمدى زاڭنامالىق شەشىمدەردى ەنگىزۋ ءۇشىن اگەنتتىكپەن ودان ءارى ىنتىماقتاستىققا دايىن ەكەندىكتەرىن ءبىلدىردى.