قازاقستاننىڭ ەكى وبلىسىندا اۋا رايىنىڭ ناشارلاۋىنا بايلانىستى جول قوزعالىسىنا شەكتەۋ ەنگىزىلدى, دەپ حابارلايدى Egemen.kz.
6 قاراشادا ساعات 19:00-دە اقتوبە وبلىسىندا اۋا رايىنىڭ بۇزىلۋىنا بايلانىستى رەسپۋبليكالىق ماڭىزى بار «سامارا-شىمكەنت» اۆتوجولىنىڭ 965-1153 شاقىرىم ارالىعىندا (قارابۇتاق اۋىلىنان م-32 جانە ا-26 جول ايىرىعىنا دەيىن) جۇك جانە قوعامدىق كولىكتەردىڭ قوزعالىسىنا شەكتەۋ قويىلدى.
19:30-دا اقتوبە وبلىسىندا اۋا رايىنىڭ بۇزىلۋىنا بايلانىستى رەسپۋبليكالىق ماڭىزى بار «قاندىاعاش-ەمبى-شالقار-ىرعىز» اۆتوجولىنىڭ 259-389 شاقىرىم ارالىعىندا (شالقار قالاسىنان م-32 جانە ا-26 جول ايىرىعىنا دەيىن) جۇك جانە قوعامدىق كولىكتەردىڭ قوزعالىسىنا شەكتەۋ قويىلدى.
20:00-دە اقمولا وبلىسىندا اۋا رايىنىڭ بۇزىلۋىنا بايلانىستى رەسپۋبليكالىق ماڭىزى بار «كوكشەتاۋ-اتباسار» اۆتوجولىنىڭ 47-184 شاقىرىم ارالىعىندا (زەرەندى اۋىلىنان اتباسار قالاسىنا دەيىن) كولىكتىڭ بارلىق ءتۇرىنىڭ قوزعالىسىنا شەكتەۋ قويۋ جوسپارلانىپ وتىر. جولدى 2024 جىلعى 7 قاراشادا ساعات 08:00-دە اشۋ جوسپارلانعان.
21:00-دە اقمولا وبلىسىندا اۋا رايىنىڭ بۇزىلۋىنا بايلانىستى رەسپۋبليكالىق ماڭىزى بار «استانا-پەتروپاۆل» اۆتوجولىنىڭ 18-232 شاقىرىم ارالىعىندا (استانا قالاسىنان ششۋچينسك قالاسىنا دەيىن) كولىكتىڭ بارلىق ءتۇرىنىڭ قوزعالىسىنا شەكتەۋ قويۋ جوسپارلانىپ وتىر. جولدى 2024 جىلعى 7 قاراشادا ساعات 08:00-دە اشۋ جوسپارلانعان.