استانا قالاسى ءبىلىم باسقارماسى بۇگىن ەلوردادا اۋا رايىنىڭ ناشارلاۋىنا بايلانىستى مەكتەپتەردە ساباق ۋاقىتى قىسقارتىلاتىنىن حابارلادى, دەپ جازادى Egemen.kz.
«قازگيدرومەت» رمك 6-7 قاراشا كۇندەرى استانادا وڭتۇستىك-باتىستان سوعاتىن جەلدىڭ ەكپىنى 23-28 م/س, كەي ۋاقىتتاردا 30 م/س بولاتىنىن بولجادى.
وسىعان بايلانىستى قالالىق ءبىلىم باسقارماسى بۇگىن وقۋشىلاردى ەرتەرەك ۇيلەرىنە قايتارۋ شەشىمىن قابىلداعان.
«اۋا رايىنىڭ ناشارلاۋىنا بايلانىستى (جەل جىلدامدىعىنىڭ 30 م/س دەيىن ۇلعايۋىنا) بايلانىستى ساباقتاردىڭ ۇزاقتىعىن قىسقارتىپ, بالالاردىڭ قاۋىپسىزدىگىن باقىلاۋعا الا وتىرىپ, قاراڭعى تۇسكەنگە دەيىن ەرەسەكتەرمەن بىرگە قايتارۋ قاجەت. اتا-انالارى جۇمىستا بولعان جاعدايدا, بالالار اتا-انالارى كەلگەنشە مەكتەپتە بولۋى ءتيىس», دەلىنگەن باسقارما حابارلاماسىندا.