قاۋىپسىزدىك تالاپتارى قاتاڭ ساقتالسا...

– وڭىرگە قاتتى اياز ءالى جەتە قويعان جوق. سوعان قاراماس­تان ادامدار پەشتى دۇرىس پايدالانباۋدىڭ قۇر­با­نىنا اينالىپ جاتىر. اق­توعاي اۋدانىنىڭ مۇت­كەنوۆ, شارباقتى اۋدانىنىڭ مالينوۆكا اۋىلدارىندا ۇي­دەن شىققان ورتتەن ەكى ادام قايتىس بولدى. ال پاۆلودار اۋدا­نىنىڭ چەرنوياركا, زاريا ەلدى مەكەندەرىندە ءيىس تيگەن ءۇش ادام قازا تاپتى. ۇي­لەرىندە پەش جاعاتىن تۇر­عىن­داردىڭ كەيبىرەۋى قاۋىپ­سىزدىك تالاپتارىن ەسكەر­مەيدى. وكىنىشكە قاراي, ونىڭ سوڭى قايعىلى جاعداي­لارعا اپارىپ سوق­تى­رۋى مۇمكىن, – دەيدى پاۆلودار وبلىسى توتەنشە جاعدايلار دەپارتامەنتى باستىعىنىڭ ورىنباسارى قايرات شاي­ماردەنوۆ.

قىسقى جىلىتۋ كە­زەڭىن­دە ءورت وقيعالارى جيى­لەپ كەتەدى. وتكەن جىلۋ ماۋسىمىندا وبلىستا 77 ءورت تىركەلىپ, سالدارىنان 6 ادام قازا تاپقان. تاعى 10 ادام جاراقات العان. تۇرعىن ءۇي سەك­تورىنداعى ورتتەر مەن ولىمدەردىڭ كوپشىلىگى ىش­كى­لىككە سالىنعان نەمەسە الەۋمەتتىك وسال وتباسىلارىندا ءجيى بولادى.

ء«تىلسىز جاۋدىڭ پايدا بو­لۋ سەبەپتەرى ءارتۇرلى, ەڭ نە­گىزگىسى – سالعىرتتىق. تۇر­عىن ءۇي سەكتورىندا ەلەكتر جابدىقتارى مەن تۇر­مىستىق اسپاپتار­دى مون­تاجداۋ جانە پاي­دالا­نۋداعى بۇزۋشى­لىق­تار, پەش­تەردى ورناتۋ مەن پايدالانۋ كەزىندە ءورت قاۋىپ­سىزدىگىنىڭ بۇزىلۋى ءجيى كەز­دەسەدى. تۇرعىندار ءتۇرلى جى­لىتقىشتاردى پايدالا­نادى. كەيدە ەلەكتر جەلى­لە­رىندە قىسقا تۇيىقتالۋ ورىن الىپ, ءورت شىعادى. وب­لىس­تاعى ورتتەردىڭ 70-80 پايى­زى تۇرعىن ءۇي سەكتورىندا بولادى», دەيدى ق.شايماردەنوۆ.

جالپى, ءورت وقيعالارى­نىڭ 65 پايىزى جىلىتۋ كەزەڭىندە بولاتىنى بايقالعان. دەپار­تامەنت جەرگىلىكتى پوليتسيا قىزمە­تىمەن, اتقارۋشى ورگاندار­مەن, ۆولون­تەر­لىك ۇيىم­داردىڭ وكىلدە­رىمەن بىرلەسىپ ءورتتىڭ, ادام­­داردىڭ قازا بولۋى مەن جا­را­قاتتانۋىنىڭ الدىن الۋ ماقساتىندا تۇراق­تى نەگىزدە حالىقپەن پروفي­لاكتيكالىق ءىس-شارا­ل­ار وتكىزەدى. ارنايى ەسەپتە حالىقتىڭ الەۋمەتتىك وسال توبىنا جاتاتىن 1 233 تۇر­عىن ءۇي بار. جەرگىلىكتى ات­قا­رۋشى ورگاندار مەن ۇكى­مەت­­تىك ەمەس ۇيىمداردىڭ قا­را­جاتى ەسەبىنەن ۋلى گاز­­دىڭ شىققانى تۋرالى دابىل بەرەتىن 275 داتچيك ورناتىلعان.

ماماندار سالقىن ۋا­قىت­تا پەش جاعۋ كەزىندە قاۋىپ­سىزدىك شارالارىن قاتاڭ ساقتاۋ قاجەت ەكەنىن ەسكەر­تەدى. جىلىتۋ پەشتەرى الدىن الا تەكسەرىلىپ, ورتكە قارسى بولىكتەرىنىڭ بولۋى ەسكەرىلۋى كەرەك. ءار ءۇش ايدا ءبىر رەت, سونداي-اق جىلىتۋ ماۋسىمى باستالار الدىندا مۇرجالار مەن پەشتەردى كۇيەدەن تازارتىپ تۇرعان ابزال. پەش مۇرجالارى قىزىل كىرپىشتەن قالانىپ, ۇشقىن تۇتقىشتارمەن جاب­دىقتالۋعا ءتيىس. شا­تىر­داعى ءتۇتىن ارنالارى وتە­تىن بارلىق قۇبىرلار مەن قابىرعالاردى اكتەۋ كەرەك. قولدانىستاعى زاڭنا­ماعا سايكەس توتەنشە جاع­داي­لار قىزمەتكەرلەرى جەر ۇي­لەر سەكتورىنا تەكسەرۋ جۇر­گىزۋگە, ۇيعارىمدار بەرۋ­گە قۇقىلى ەمەس. تەك پرو­في­لاكتيكالىق جۇمىس­تار عانا جۇرگىزە الادى. سون­دى­قتان قاۋىپسىزدىك تالاپتا­رى ءۇي يەلەرىنىڭ ءوز جاۋاپ­كەرشىلىكتەرىندە قالا بەرمەك.

پاۆلودار وبلىسى