روزا باعلانوۆا اتىنداعى «قازاقكونتسەرت» مەملەكەتتىك اكادەميالىق كونتسەرتتىك ۇيىمىنىڭ قازاق مەملەكەتتىك سيمفونيالىق وركەسترى چەحيانىڭ ەڭ بەدەلدى ساحنالارىنىڭ ءبىرى – «رۋدولفينۋم» كونتسەرت زالىندا ونەر كورسەتتى. الەمنىڭ ۇلكەن ساحنالارىنىڭ بىرىندە وتاندىق جانە الەمدىك كلاسسيكالىق مۋزىكانىڭ جاۋھارلارى ورىندالدى.
كونتسەرت حالىقارالىق ارەنادا ەلىمىزدىڭ مادەني ءيميدجىن نىعايتۋ جانە قازاقستان مەن چەحيا اراسىنداعى ديپلوماتيالىق بايلانىستاردى دامىتۋ ماقساتىندا ۇيىمداستىرىلدى. رۋحاني كەش – ەكى ەل اراسىنداعى مادەنيەتارالىق ىنتىماقتاستىققا دەگەن ۇمتىلىستىڭ ايقىن كورىنىسى.
ەلىمىزدىڭ جەتەكشى مۋزىكالىق ۇجىمدارىنىڭ بىرەگەيى – قازاق مەملەكەتتىك سيمفونيالىق وركەسترىنىڭ قۇرامى اسقان ۆيرتۋوز شەبەرلەر مەن كامەرالىق مۋزىكانىڭ ۇزدىك الەمدىك داستۇرلەرىن دامىتىپ جۇرگەن كاسىبي مۋزىكانتتاردان قۇرالعان. قازاقستاننىڭ حالىق ءارتىسى, ەڭبەك ەرى ايمان مۇساقوجاەۆانىڭ ەلدىڭ باي مۋزىكالىق مادەنيەتىن بەينەلەيتىن جانە ونى حالىقارالىق ساحنادا ناسيحاتتايتىن ۇجىم قۇرۋ تۋرالى يدەياسىنان باستاۋ العان وركەستر 1991 جىلدان بەرى ونەر كورسەتىپ كەلەدى.