الماتى وبلىسى تالعار اۋدانىندا مەملەكەتتىك رامىزدەر قوقىسقا تاستالعان. اتالعان دەرەك بويىنشا ايماق پوليتسياسى قىلمىستىق ءىس قوزعادى, دەپ حابارلايدى Egemen.kz.
جەرگىلىكتى بلوگەرلەردىڭ ءبىرى Instagram-دا ەركىن اۋىلىندا ورەسكەل جاعداي ورىن العانىن ايتىپ, فوتوسۋرەت جاريالادى. قوقىس الاڭىندا تۇسىرىلگەن سۋرەتتە ءۇش مەملەكەتتىك ەلتاڭبا مەن جالاۋشاعا ۇقسايتىن كوك ماتەريال كورسەتىلگەن. بۇعان اشۋلانعان قازاقستاندىقتار كىنالىلەردى تاۋىپ, جازالاۋدى تالاپ ەتىپ پىكىر قالدىرعان.
وبلىستىق پوليتسيا دەپارتامەنتى «مەملەكەتتىك رامىزدەردى قورلاۋ فاكتىسى بويىنشا قىلمىستىق ءىس قوزعالدى» دەپ مالىمدەدى.