بۇل تۋرالى سىرتقى ىستەر مينيسترلىگىنەن حابارلاندى, دەپ جازادى Egemen.kz.
تاياۋ شىعىس وڭىرىندەگى شيەلەنىستىڭ كۇشەۋىنە بايلانىستى پرەزيدەنتتىڭ تاپسىرماسى بويىنشا قر-نىڭ ءتيىستى مەملەكەتتىك ورگانداردىڭ قاتىسۋىمەن ليۆاننان قازاقستان ازاماتتارىن جانە ولاردىڭ وتباسى مۇشەلەرىن ەلگە ەۆاكۋاتسيالاۋ شارالارى جۇزەگە اسىرىلدى.
«اتالعان وپەراتسيا ىستانبۇل جانە دۋباي قالالارى ارقىلى ۇيىمداستىرىلىپ, ناتيجەسىندە 17-31 قازان ارالىعىندا بەيرۋتتان استانا مەن الماتى قالالارىنا 41 ادام امان-ەسەن جەتكىزىلدى», دەلىنگەن ءسىم حابارلاماسىندا.
ەۆاكۋاتسيا اسكەري قاقتىعىس ايماعىندا قالعان قازاقستان رەسپۋبليكاسى ازاماتتارىنىڭ قۇقىقتارى مەن مۇددەلەرىن قورعاۋ ماقساتىندا جۇرگىزىلدى.