اقش-تىڭ پۋەبلو قالاسىندا ءوتىپ جاتقان بوكستان 19 جاسقا دەيىنگى جاستار اراسىنداعى الەم چەمپيوناتىندا وتانداسىمىز دانيال رايىمبەكوۆ (85 كگ) كۇمىس جۇلدەگەر اتاندى, دەپ حابارلايدى Egemen.kz.
1bol.kz جازعانداي, الەم بىرىنشىلىگىن جاڭا قۇرىلعان World Boxing ۇيىمى العاش رەت ۇيىمداستىردى.
چەمپيونات فينالى بۇگىن ءوتىپ جاتىر. قازاقستاننان بارعان ءتورت بوكسشىنىڭ ەكەۋى اقتىق سىنعا شىقتى.
«رايىمبەكوۆ فينالدا ۋەلس بوكسشىسى توماس پيتت دەنيەلمەن كەزدەسىپ, 0:5 ەسەبىمەن جەڭىلىپ قالدى. وسىلايشا ول World Boxing ۇيىمداستىرعان ەڭ ءبىرىنشى چەمپيوناتتا قازاقستان قورجىنىنا العاشقى مەدالدى سالعان بوكسشى اتانىپ وتىر», دەلىنگەن حابارلامادا.
ايتا كەتەيىك, 65 كەلىدە ونەر كورسەتەتىن اسىلحان كوشەرباي رينگكە ەرتەڭ شىعادى. ونىڭ قارسىلاسى – اۋستراليا بوكسشىسى كۋپەر ماككونەل.