2024 جىلدىڭ 30-31 قازان ارالىعىندا استانادا بۇۇ-نىڭ سىبايلاس جەمقورلىققا قارسى كونۆەنتسياسىن ورتا ازيادا جەدەلدەتىپ ىسكە اسىرۋعا جانە اگەنتتىكتىڭ 10 جىلدىعىنا ارنالعان حالىقارالىق كونفەرەنتسيا ءوتتى, دەپ حابارلايدى Egemen.kz.
ءىس-شارانى بۇۇ-نىڭ ەسىرتكى جانە قىلمىس جونىندەگى باسقارماسى (بۇۇ ەقب) قازاقستان رەسپۋبليكاسىنىڭ سىبايلاس جەمقورلىققا قارسى ءىس-قيمىل اگەنتتىگىمەن بىرلەسىپ ۇيىمداستىردى.
كونفەرەنتسيا جۇمىسىنا قازاقستان, قىرعىزستان, تاجىكستان, تۇرىكمەنستان جانە وزبەكستاننىڭ سىبايلاس جەمقورلىققا قارسى ۆەدومستۆولارىنىڭ باسشىلارى, پارلامەنت دەپۋتاتتارى, پرەزيدەنت اكىمشىلىگىنىڭ, ديپلوماتيالىق ميسسيالاردىڭ, حالىقارالىق جانە قوعامدىق ۇيىمداردىڭ, مەملەكەتتىك ورگانداردىڭ وكىلدەرى قاتىستى. قازاقستان تاراپىنىڭ شاقىرۋى بويىنشا ءىس-شاراعا گونكونگتىڭ سىبايلاس جەمقورلىققا قارسى كۇرەس جونىندەگى تاۋەلسىز كوميسسياسىنىڭ كوميسسارى قاتىستى.
كونفەرەنتسيا قاتىسۋشىلارىنا ارنالعان پرەزيدەنت اكىمشىلىگىنىڭ باسشىسى ا. دادەبايدىڭ قۇتتىقتاۋ ءسوزىن قۇقىق قورعاۋ جۇيەسى ءبولىمى مەڭگەرۋشىسىنىڭ ورىنباسارى ا. ديۋسەمبەكوۆ جەتكىزدى.
بۇۇ ەقب-نىڭ اۋعانستان, ورتالىق ازيا, يران جانە پاكىستان بويىنشا وڭىرلىك وكىلى وليۆەر شتولپە, گونكونگتىڭ سىبايلاس جەمقورلىققا قارسى كۇرەس جونىندەگى تاۋەلسىز توميسسياسىنىڭ كوميسسارى د. ۆۋ, تاجىكستاننىڭ مەملەكەتتىك قارجى مونيتورينگى جانە سىبايلاس جەمقورلىققا قارسى كۇرەس اگەنتتىگىنىڭ ديرەكتورى س. سۋلتونزودا, وزبەكستاننىڭ سىبايلاس جەمقورلىققا قارسى ءىس-قيمىل اگەنتتىگىنىڭ ديرەكتورى ا. بۋرحانوۆ, تۇرىكمەنستاننىڭ باس پروكۋرورىنىڭ ورىنباسارى ا. نىيازلىەۆ, قىرعىزستاننىڭ باس پروكۋرورىنىڭ ورىنباسارى ن. كايموۆ ءسوز سويلەدى.
ءىس-شارادا اكتيۆتەردى قايتارۋ, جەمقورلىقتىڭ الدىن الۋ, تسيفرلاندىرۋ, ازاماتتىق قوعامنىڭ جەمقورلىقتىڭ الدىن الۋعا قاتىسۋى, سونداي-اق ىنتىماقتاستىقتى نىعايتۋدىڭ وزەكتى ماسەلەلەرى تالقىلاندى.
سىبايلاس جەمقورلىققا قارسى ءىس-قيمىل اگەنتتىگىنىڭ توراعاسى اسحات جۇماعالي ءوز سوزىندە حالىقارالىق ىنتىماقتاستىقتىڭ, اسىرەسە ورتالىق ازياداعى ماڭىزدىلىعىن اتاپ ءوتتى.
ول: «قازاقستاندا جەمقورلىققا قارسى رەفورمالاردى ىسكە اسىرۋدا بۇۇ-نىڭ سىبايلاس جەمقورلىققا قارسى كونۆەنتسياسىندا كوزدەلگەن وزىق ستاندارتتار نەگىزگى باعدار بولىپ تابىلادى. سىبايلاس جەمقورلىقتىڭ ترانسۇلتتىق سيپاتىن ەسكەرە وتىرىپ, بىرلەسكەن جۇمىس ءوڭىردىڭ دامۋى ءۇشىن ماڭىزدى. بۇل جەردە شەت ەلدەردىڭ باسقا دا سىبايلاس جەمقورلىققا قارسى ۆەدومستۆولارىمەن ءوزارا ءىس-قيمىل جاساۋدا ماڭىزدى», دەپ اتاپ ءوتتى.
ا. جۇماعالي بۇۇ ەقب-عا قولداۋ كورسەتكەنى ءۇشىن ريزاشىلىعىن ءبىلدىرىپ, وڭىرلىك پلاتفورمانى قۇرۋ جەمقورلىققا قارسى جاڭا شارالاردى دامىتۋعا جانە ەلدەر اراسىنداعى ءوزارا ءىس-قيمىلدى نىعايتۋعا ىقپال ەتەتىنىن اتاپ ءوتتى.
ءوز كەزەگىندە وليۆەر شتولپە: «بۇۇ-نىڭ سىبايلاس جەمقورلىققا قارسى كونۆەنتسياسىن جەدەلدەتىپ ىسكە اسىرۋعا ارنالعان وڭىرلىك پلاتفورماسى – ورتالىق ازيا ەلدەرىنە سىبايلاس جەمقورلىققا قارسى كۇرەستە جانە زاڭ ۇستەمدىگىن نىعايتۋدا كۇش بىرىكتىرۋگە مۇمكىندىك بەرەتىن ماڭىزدى قۇرال. سىبايلاس جەمقورلىققا قارسى ۆەدومستۆولار اراسىنداعى ارىپتەستىكتىڭ ارقاسىندا ءبىز ورتالىق ازياداعى جەمقورلىققا ءتيىمدى قارسى كۇرەس ءۇشىن ارىپتەستىك بايلانىستاردى نىعايتۋعا جانە كۇش-جىگەردى ۇيلەستىرۋگە ىقپال ەتە وتىرىپ, ءبىلىم مەن وزىق الەمدىك تاجىريبەلەرمەن الماسۋ ءۇشىن جاعداي جاسايمىز», دەپ ايتتى.
كونفەرەنتسيا ورتالىق ازيا ەلدەرىنىڭ قۇقىقتىق كومەك, اكتيۆتەردى ەكستراديتسيالاۋ جانە قايتارۋ ماسەلەلەرىندە حالىقارالىق بايلانىستاردى نىعايتۋعا بەيىلدىلىگىن راستادى.
فورۋم اياسىندا حالىقارالىق سىبايلاس جەمقورلىققا قارسى كۇرەس اكادەمياسى (گونكونگ) ءتيىمدى الدىن الۋ, اكتيۆتەردى قايتارۋ ادىستەرى جانە قارجىلىق تەرگەۋ تاكتيكاسى بويىنشا ترەنينگتەر وتكىزدى.
بۇۇ-نىڭ سىبايلاس جەمقورلىققا قارسى كونۆەنتسياسىن ىسكە اسىرۋ وڭىرلىك پلاتفورما شەڭبەرىندە جالعاساتىن بولادى, ال قازاقستان مەن باسقا دا ەلدەر قوعامداعى اشىقتىق, ەسەپتىلىك جانە پاراساتتىلىقتىڭ جالپى قاعيداتتارىن ىلگەرىلەتەتىن بولادى.