مادەنيەت جانە اقپارات مينيسترلىگىنىڭ قولداۋىمەن «استانا وپەرادا» الەمگە ايگىلى سكريپكاشى ءارى ديريجەر, قازاقستاننىڭ ىزگىلىك ەلشىسى, قازاقستاننىڭ ەڭبەك سىڭىرگەن قايراتكەرى مارات بيسەنعاليەۆتىڭ سيمفونيالىق كونتسەرتى ءوتتى.
مۋزىكالىق كەشتە «دالا», «Air», «بي», «اباي», «جەلسىز تۇندە جارىق اي», «ايتتىم سالەم, قالامقاس», «قارلىعاش», «دۋداراي» سەكىلدى تانىمال كومپوزيتسيالار قامتىلدى. سونداي-اق مادەني ءىس-شاراعا ارۋحات مۋسايپوۆ, مۋلتياسپاپشىلار سەرىك نۇرمولداەۆ, انار قاسىموۆا, ابزال ارىقباەۆ, اسقار سولتاعازين, قازاقستاننىڭ ەڭبەك سىڭىرگەن قايراتكەرى بەيىمبەت دەمەۋوۆ, جاس ۆوكاليست اننا يۋدەنيچ قاتىستى.
كونتسەرتتىڭ ەرەكشەلىگى ونىڭ ايرىقشا اكۋستيكالىق شەشىمىندە بولدى. مارات بيسەنعاليەۆ اۆتورلىق جۇمىسى رەتىندە كۆادرودىبىستاۋ اسەرىن كورسەتتى. ياعني بۇل – وركەستر مەن حوردىڭ جەكەلەگەن توپتارىنىڭ ساحنادا عانا ەمەس, زالدىڭ ارنايى اكۋستيكالىق ايماقتارىندا ورنالاسۋى. بۇلاي ونەر كورسەتۋ گولوگرافيالىق دىبىس جاساپ, ەموتسيالىق سيپاتتا تىڭدارماندارعا ەرەكشە اسەر ەتتى.