پرەزيدەنت قاسىم-جومارت توقاەۆ فرانتسيا ەلشىسى سيلۆان گيوگەنى جاڭا قىزمەتىمەن قۇتتىقتاپ, ونىڭ ديپلوماتيالىق ميسسياسى ەكىجاقتى قاتىناستاردىڭ وتە بەلسەندى دامۋ كەزەڭىمەن تۇسپا-تۇس كەلىپ وتىرعانىن اتاپ ءوتتى, دەپ حابارلايدى Egemen.kz اقوردانىڭ ءباسپاسوز قىزمەتىنە سىلتەمە جاساپ.
مەملەكەت باسشىسى قازاقستاننىڭ فرانتسيامەن اراداعى ىنتىماقتاستىقتى جان-جاقتى تەرەڭدەتۋگە نيەتتى ەكەنىن جەتكىزىپ, ەلشى سيلۆان گيوگەنىڭ جاۋاپتى قىزمەتىنە تابىس تىلەدى.
كەزدەسۋدە قازاقستان پرەزيدەنتى قاسىم-جومارت توقاەۆتىڭ الداعى ۋاقىتتا فرانتسيا رەسپۋبليكاسىنا جاسايتىن مەملەكەتتىك ساپارىنىڭ جاي-جاپسارى تالقىلاندى.
پرەزيدەنت اتالعان ساپار استانا مەن پاريج اراسىنداعى بايلانىستاردىڭ كەلەشەگىن ايقىنداپ, قازاق-فرانتسۋز ستراتەگيالىق سەرىكتەستىگىنىڭ نىعايۋىنا تىڭ سەرپىن بەرەتىنىنە سەنىم ءبىلدىردى.