ماڭعىستاۋدا كاسپي تەڭىزىنىڭ تۇپقاراعان اۋدانى اۋماعىندا قىرىلعان يتبالىقتاردىڭ سانى ءالى ارتۋى مۇمكىن, ماماندار تەكسەرۋ جۇمىسىن تولىعىمەن اياقتاپ بولعان جوق, دەپ حابارلايدى Egemen.kz.
Qazaqstan.tv-ءدىڭ تاراتقان اقپاراتىنا سايكەس قازىردىڭ وزىندە 300-گە جۋىق ولەكسە تابىلعان. وبلىستىق بالىق شارۋاشىلىعى قاۋىمداستىعى باسشىسىنىڭ ايتۋىنشا 300 يتبالىقتىڭ بارلىعى بالىقشىلاردىڭ اۋىنا ءتۇسىپ ءولدى دەۋگە كەلمەيدى. اۋعا تۇسكەن جانۋاردىڭ دەنەسى ىدىراپ, توردىڭ ءىزى قالادى. ال وسى جولى تابىلعان ولەكسەلەر ەش بۇزىلماعان.