مادەنيەت جانە اقپارات مينيسترلىگى ءدىن ىستەرى كوميتەتىنىڭ ارنايى جوباسى اياسىندا اتىراۋدا جاستار اراسىندا ءداستۇرلى رۋحاني-ادامگەرشىلىك قۇندىلىقتاردى قالىپتاستىرۋ جانە ءدىني ەكسترەميزمنىڭ الدىن الۋ باعىتىندا سەمينارلار مەن ءارتۇرلى فورماتتاعى ءىس-شارالار وتكىزدى, دەپ جازادى Egemen.kz.
ءىس-شارالار اتىراۋ وبلىسى ءدىن ىستەرى باسقارماسىنىڭ قولداۋىمەن, بەكىتىلگەن جوسپار بويىنشا 14-18 قازان كۇندەرى ءوتتى.
ءىس-شاراعا تەولوگ, دىنتانۋشىلار ساريەۆ سۇلتانگەلدى سەرىك ۇلى – اتىراۋ وبلىسى, «شاپاعات» ددا جاپا شەككەندەرگە كومەك ورتالىعى» قق تەولوگ مامانى, الپىسباەۆا نازىم سەيتحانقىزى – «قاراعاندى وبلىسى, كونفەسسياارالىق پروبلەمالارىن زەرتتەۋ جانە تالداۋ ورتالىعىنىڭ» پسيحولوگ مامانى, شوپانوۆا باقىتگۇل ماقسوتقىزى – ماڭعىستاۋ وبلىسى, ءدىن ىستەرى باسقارماسى ء«دىني بىرلەستىكتەرمەن بايلانىس جانە ءدىني ەكسترەميزمگە قارسى ناسيحات جۇمىستارىن ۇيىمداستىرۋ» ءبولىمىنىڭ باسشىسى, وتەگەن وسەر وتەگەن ۇلى – رەسپۋبليكالىق اقپاراتتىق تۇسىندىرمە توبىنىڭ مۇشەسى, قوعام بەلسەندىسى, زاڭگەر قاتىستى.
ءىس-شارالاردى ۇيىمداستىرۋ بارىسىندا, اتىراۋ قالاسى, ماحامبەت, يساتاي, دوسسور جانە ماقات اۋداندارىنىڭ كوللەدج جانە ۋنيۆەرسيتەت ستۋدەنتتەرىمەن, سپورت مەكتەپتەرىنىڭ سپورتشىلارى مەن جاتتىقتىرۋشىلارىمەن, جاستار رەسۋرستىق ورتالىعىنىڭ جاس ماماندارى مەن قىزمەتكەرلەرى «زايىرلى مەملەكەت: زاڭ, ۇعىم جانە قاعيداتتار», «جاستار اراسىندا رۋحاني قۇندىلىقتاردى ءتۇسىندىرۋ جانە ءدىني ساۋاتتىلىقتى ارتتىرۋ», «تەرىس ءدىني اعىمداردىڭ قوعامعا قاۋىپتىلىگى», جانە ت.ب. تاقىرىپتار اياسىندا ءدارىس تىڭدادى.