جاستار – پرەزيدەنتتىك كوماندا مۇشەلەرى

نۇرسۇلتان نازارباەۆ: جاستار – ءبىزدىڭ بولاشاعىمىزدىڭ نەگىزى – ءوز بولاشاعىن قۇرۋدىڭ جاڭا مۇمكىندىكتەرىنە قول جەتكىزەدى. كەشە مەملەكەت باسشىسى نۇرسۇلتان نازارباەۆ قازاقستاندىق جاستاردىڭ وكىلدەرىمەن كەزدەستى, دەپ حابارلادى قازاقستان رەسپۋبليكاسى پرەزيدەنتىنىڭ ءباسپاسوز قىزمەتى. پرەزيدەنتپەن كەزدەسۋگە وقۋدا, سپورتتا جانە ءوز جۇمىستارىندا ايتارلىقتاي جەتىستىكتەرگە قول جەتكىزگەن ەلوردالىق جاستاردىڭ دارىندى وكىلدەرى: بەكەت تولەگەنوۆ – قازاقستان رەسپۋبليكاسى تۇڭ­عىش پرەزيدەنتىنىڭ ينتەللەك­تۋالدىق مەكتەبىنىڭ تۇلەگى; ولگا رىپاكوۆا – جەڭىل اتلەتيكادان ەكى مارتە ازيا جانە الەم چەمپيونى; ەرلان جاقىپبەكوۆ – ساۋلەتشى, “قازاق ەلى” مونۋمەنتى, “اباي”, “سۋلى جاسىل بۋلۆار” جوبا­لا­رىنا قاتىسۋشى ءارى اۆتورى; قانات توسەكباەۆ – استانا قالاسىنىڭ جەدەل مەديتسينالىق كومەك ستان­ساسىنىڭ باس دارىگەرى; ايدار قىرىقباي ۇلى – حالىق شىعارما­شىلىعىن ناسيحاتتاۋشى, “جاس وتان” جاستار قاناتىنىڭ كەڭەس­شىسى جانە وزگەلەر شاقىرىلدى. جاس استانالىقتار وزدەرىنىڭ جەكە تابىستارى تۋرالى ايتتى. ولار بار­لىق جەتىستىكتەرى ءاربىر قازاقستاندىق­تىڭ ءوز جوسپارلارىن ىسكە اسىرۋلارى­نا باعىتتالعان مەم­لەكەتتىك ساياساتتىڭ ناتيجە­سىندە مۇمكىن بولعانىن اتاپ ءوتتى. جاس­تار مەملەكەت باسشىسىن ءبىز­دىڭ وتانىمىز – قازاقستان رەس­پۋبليكاسىنىڭ ودان ءارى گۇلدەنۋى ءۇشىن بارلىق مۇمكىندىكتەرىن ايا­نىپ قالمايتىندىقتارىنا سەندىردى. كەزدەسۋ بارىسىندا پرەزيدەنت تاۋەلسىز قازاقستاننىڭ قالىپتاسۋ كەزەڭدەرى, نارىقتىق ەكونوميكانى قۇرۋ, دەموكراتيالاندىرۋ ۇدەرىسى, ازاماتتىق قوعامنىڭ قالىپتاسۋى مەن دامۋى تۋرالى, سونداي-اق ەلور­دانى اۋىستىرۋ قالاي جۇزەگە اسىرىلعانى جايلى ايتتى. نۇرسۇلتان نازارباەۆ وسىنىڭ بارلىعىنا دا قازاقستاندىقتاردىڭ ەلىمىزدە بەيبىتشىلىك پەن كەلىسىمدى ساقتاۋىنىڭ ارقاسىندا قول جەتكەنىن اتاپ ءوتتى. – دوستىق پەن تۇراقتىلىق – بۇل سىزدەر نىعايتۋعا ءتيىستى التىن بايلىعىمىز, – دەپ اتاپ كورسەتتى نۇرسۇلتان نازارباەۆ. مەملەكەت باسشىسى سونداي-اق وزدەرىن پرەزيدەنتتىك كوماندانىڭ مۇشەلەرى سانايتىن جاستارعا العىسىن ءبىلدىردى. – بۇل – پرەزيدەنت ءۇشىن ەڭ ءۇل­كەن باقىت. مەن سىزدەرگە ءبىزدىڭ وتا­نى­مىز – قازاقستان رەسپۋبليكا­سى­نىڭ يگىلىگى ءۇشىن تابىستار تىلەيمىن, – دەدى ەلباسى كەزدەسۋدى اياقتاي وتىرىپ. سۋرەتتەردى تۇسىرگەندەر س.بوندارەنكو, ب.وتارباەۆ.