ۇلتتىق مەرەكە – رەسپۋبليكا كۇنى قارساڭىندا ۇلگىلى قىزمەتى مەن اسكەري مىندەتتەرىن ادال اتقارعانى ءۇشىن قورعانىس ۆەدومستۆوسى باسشىسىنىڭ بۇيرىعىمەن 37 اسكەري قىزمەتشىگە مەرزىمىنەن بۇرىن اتاق بەرىلدى, دەپ حابارلايدى Egemen.kz قورعانىس مينيسترلىگىنىڭ ءباسپاسوز قىزمەتىنە سىلتەمە جاساپ.
اسكەري جانە قىزمەتتىك بورىشىن ۇلگىلى ورىنداعانى ءۇشىن «پولكوۆنيك» اتاعىن تالدىقورعان قالاسى 21751 اسكەري ءبولىمىنىڭ كومانديرى ءابدىماجيت جاناحمەتوۆ, «پودپولكوۆنيك» شەنىن – اياگوزدەگى 97616 اسكەري ءبولىمى جەكە راديوتەحنيكالىق باتالونىنىڭ كومانديرى ايدوس جانابەكوۆ, «كاپيتان» دارەجەسىن – جامبىل وبلىسى ب. مومىش ۇلى اۋىلى 91678 اسكەري ءبولىمى ارنايى ماقساتتاعى بارلاۋ روتاسىنىڭ كومانديرى ەرسۇلتان تىنىشبەكوۆ, «اعا لەيتەنانت» اتاعىن – سەمەي ق. 28738 اسكەري ءبولىمى جوندەۋ روتاسىنىڭ كومانديرى اقان جۇنىساليەۆ الدى.
مينيستر اسكەري قىزمەتشىلەرگە زور دەنساۋلىق, وتباسىلارىنا اماندىق جانە قىزمەتتە جاڭا تابىستار تىلەدى.
ايتا كەتەيىك, پوگونداردى سالتاناتتى تۇردە تابىس ەتۋ راسىمدەرى قارۋلى كۇشتەردىڭ بارلىق تۇرلەرىندە جانە اسكەر تەكتەرىندە دە ءوتىپ جاتىر.