رەسپۋبليكا كۇنى قارساڭىندا مۇعالجار اۋدانى اقكەمەر اۋىلدىق وكرۋگىنە قاراستى جارىق اۋىلى ماگيسترالدى گاز قۇبىرىنا قوسىلدى. ەكى جىل بۇرىن باستالعان گاز تارتۋ جۇمىستارىن «A.T.E-جول» جشس-ءى اياقتادى, دەپ حابارلايدى Egemen.kz.
قازىرگى كەزدە ەلدى مەكەندەگى 104 ءۇي مەن 3 الەۋمەتتىك نىسان اۋىلىشىلىك گاز قۇبىرىمەن جالعاستى. وسى اۋىلدىڭ بايىرعى تۇرعىنى مارات مىسقاليەۆتىڭ ايتۋىنشا, وسى كەزگە دەيىن قىس ايلارىندا ءاربىر ء ۇي 5-6 توننا كومىر جاعىپ كەلگەن. سوندا ءار وتباسى جىلىتۋ ماۋسىمىندا تامىزىق پەن كومىر ساتىپ الۋعا 300 مىڭ تەڭگەدەن استام قارجى جۇمسايدى ەكەن. ەندى كوگىلدىر وتىننىڭ تولەماقىسى ودان بىرنەشە ەسە ارزانعا تۇسەدى.
وسى جىلى اقتوبە وبلىسىندا تۇرعىندار سانى 500-دەن اساتىن ەلدى مەكەندەرگە گاز قۇبىرى تارتىلىپ جاتىر. بۇگىنگى كۇنى مۇعالجار اۋدانى تۇرعىندارىنىڭ 96,4%-ى كوگىلدىر وتىنعا قول جەتكىزدى.