بۇگىن ۇكىمەتتە وتكەن ءباسپاسوز ءماسليحاتىندا پرەمەر-ءمينيستردىڭ ورىنباسارى سەرىك جۇمانعارين بۇرىنعى ۋاقىت بەلدەۋىن قايتارۋ تۋرالى ماسەلەنىڭ نۇكتەسىن قويدى, دەپ حابارلايدى Egemen.kz.
سەرىك جۇمانعاريننىڭ ايتۋىنشا, ءتيىستى شەشىم قابىلداۋدىڭ بەلگىلى ءبىر ەرەجەلەرى بەكىتىلگەن.
«ۇكىمەت شەشىم قابىلداعاندا ۇنەمى رەفەرەندۋم وتكىزۋدىڭ قاجەتى جوق, ول ءۇشىن القالى ورگان بار. بۇل جاعدايدا شەشىم قابىلداۋدان بۇرىن قاجەتتى زەرتتەۋلەر جۇرگىزىلىپ, شەشىم قابىلداندى. وسىدان كەيىن نورماتيۆتىك-قۇقىقتىق اكتىلەر اياسىندا ءوتىنىش ءتۇسىپ, ول بەلگىلەنگەن تارتىپتە قارالىپ, بارلىق وڭ جانە تەرىس جاقتارى ءتيىستى توپتاردا قارالدى. سوڭعى شەشىم قابىلداندى», دەدى سەرىك جۇمانعارين.
ول بۇل ماسەلەنى قىسقا مەرزىمدە ەمەس, ورتا مەرزىمدى پەرسپەكتيۆادا زەرتتەۋ زەرەك ەكەنىن تىلگە تيەك ەتتى.
«ەندى ۇكىمەت بۇل ماسەلەنى كوتەرىپ, قايتا-قايتا تۇسىنىكتەمە بەرۋدى كوزدەپ وتىرعان جوق. شەشىم قابىلداندى, پەتيتسيا قارالدى. وسىمەن توقتايىق», دەپ تۇيىندەدى ول.
ەسكە سالا كەتەيىك, 2024 جىلدىڭ 1 ناۋرىزىندا قازاقستان 5-ءشى ساعاتتىق بەلدەۋگە اۋىستى.