استانادا 26 جانە 27 قازاندا وسى جىلدىڭ سوڭعى اۋىل شارۋاشىلىعى جارمەڭكەسى وتەدى. وعان اقمولا, قوستاناي جانە ۇلىتاۋ وبلىستارىنىڭ تاۋار وندىرۋشىلەرى قاتىسىپ, 800 تونناعا جۋىق ەكولوگيالىق تازا ءونىم ۇسىنادى, دەپ حابارلايدى Egemen.kz ەلوردا اكىمدىگىنە سىلتەمە جاساپ.
اقمولا وبلىسى 300 توننادان استام جاڭا ونىمدەردى, اتاپ ايتقاندا ەت, ءسۇت, كوكونىس جانە جارما ونىمدەرىن ۇسىنادى. ونىڭ ىشىندە «گورمولزاۆود», «رودينا», «ماكينسك قۇس فابريكاسى», «بيجان», «قازگەر قۇس» سياقتى ءىرى جەرگىلىكتى وندىرۋشىلەردەن جانە ت.ب. بار.
قوستاناي وبلىسىنان 402 توننا ءونىم, ونىڭ ىشىندە 52 توننا ەت, 95 توننا كوكونىس جانە 40 توننا ۇن, سونىمەن قاتار برەندتەرى رەسپۋبليكاعا جانە ودان تىس جەرلەرگە تانىمال كاسىپورىنداردان ءسۇت جانە كونديتەرلىك ونىمدەر اكەلىنەدى. بۇل «ميلح», «دەپ», «بايان سۇلۋ», «بەكيروۆ» جانە ت.ب.
ۇلىتاۋ ءوڭىرى 70 توننا ەت, كوكونىس جانە ءسۇت ونىمدەرىن جەتكىزەدى.
ەلوردا تۇرعىندارى مەن قوناقتارى فەرمەرلەردەن تىكەلەي ءونىم الىپ قانا قويماي, قاتىسۋشى وڭىرلەر ونەرپازدارىنىڭ قاتىسۋىمەن وتەتىن كونتسەرتتىك باعدارلامانى تاماشالايدى. جارمەڭكە ساعات 9:00-دەن 18:00-گە دەيىن جۇمىس ىستەيدى.
ايتا كەتەيىك, جارمەڭكە قارقارالى تاسجولىنداعى «قازانات» يپپودرومىنا قاراما-قارسى جەردە وتەدى. ەلوردا تۇرعىندارى مەن قوناقتارىنا ىڭعايلى بولۋ ءۇشىن جارمەڭكە كەزىندە №18, 37, 303 جانە 323 اۆتوبۋستارى جۇمىس ىستەيدى.