ماڭعىستاۋ وبلىسى بويىنشا باسەكەلەستىكتى قورعاۋ جانە دامىتۋ اگەنتتىگى دەپارتامەنتى اقتاۋ حالىقارالىق اۋەجايىنىڭ اۆتوتۇراعىنا قاتىستى باعانى كوتەرۋ جانە باسەكەلەستىك قاعيدالارىن بۇزۋ كۇدىگى بويىنشا تەرگەپ-تەكسەرۋ امالدارىن باستادى, دەپ حابارلايدى Egemen.kz.
باسەكەلەستىكتى قورعاۋ جانە دامىتۋ اگەنتتىگىنىڭ مالىمەتىنشە اۆتوتۇراقتا 15 مينۋتتان ارتىق تۇرعانى ءۇشىن 500 تەڭگە مولشەرىندە اقى الىنادى.
الدىن الا ناتيجەلەر, اۋەجاي قىزمەتتەرىن پايدالاناتىن حالىقتان قارجى الۋ ارقىلى شامادان تىس پايدا كورۋ ماقساتىندا تەرىس پايدالانۋى ىقتيمال ەكەندىگىن مەڭزەيدى.
«قازىرگى ۋاقىتتا ماڭعىستاۋ وبلىسى بويىنشا دەپارتامەنت وبلىس اكىمدىگىمەن جاسالعان كونتسەسسيالىق كەلىسىمدى تالداپ, «اتم Grup» جشس فيليالىنىڭ قىزمەتىن تەكسەرىپ جاتىر. ەگەر مونوپولياعا قارسى زاڭنامانىڭ بۇزىلعانى راستالسا, كونتسەسسيالىق كەلىسىمدى بۇزۋ نەمەسە ونىڭ شارتتارىن وزگەرتۋ تۋرالى نۇسقاما بەرىلەدى», دەلىنگەن حابارلامادا.