قازاننىڭ 18-ءى كۇنى ساعات 17.00-دە استاناداعى Mega Silk Way ساۋدا-ساۋىق ورتالىعىندا Explore Jana Qazaqstan فوتوكورمەسىنىڭ اشىلۋ ءراسىمى ءوتتى. بۇل كورمە Explore Jana Qazaqstan كومانداسىنىڭ National Geographic Qazaqstan رەداكتسياسىمەن بىرلەسىپ, بيىلعى مامىر مەن قىركۇيەك ارالىعىندا ۇيىمداستىرعان 5 ەكسپەديتسياسىنىڭ ناتيجەسىندە دايىندالعان. اتالعان ەكسپەديتسياعا Honor قولداۋ كورسەتتى, دەپ حابارلايدى Egemen.kz
ەكسپەديتسيا ماقساتى قازاقستاننىڭ تۋريستىك وڭىرلەرىنىڭ الەۋەتىن ەڭ ۇزدىك وتاندىق فوتوگرافتار مەن ساياحاتشى بلوگەرلەردىڭ فوتواپپاراتتارى مەن ۆيدەوكامەرالارىنىڭ وبەكتيۆى ارقىلى پاش ەتىپ, ىشكى ءتۋريزمدى دامىتۋعا قوسىمشا سەرپىن بەرۋدى كوزدەيدى. سوعان وراي, كوماندا مۇشەلەرى ەلىمىزدىڭ تۇركىستان, الماتى, سونداي-اق شىعىس پەن باتىس وڭىرلەرىندە بولىپ, بايتاق وتانىمىزدىڭ الۋان ايشىقتى تۇمسا تابيعاتىمەن تانىسقان.
National Geographic Qazaqsan رەداكتسياسى وسى ساپارلار بارىسىندا تۇسىرىلگەن 2500-دەن استام فوتوسۋرەتتىڭ ىشىنەن Honor 200 pro تەلەفونىمەن ايشىقتالعان ەڭ ۇزدىك 15 سۋرەتتى ىرىكتەپ, كورمەدە ۇسىنىپ وتىر.
ۇلانعايىر جەرىمىزدىڭ تاماشا تابيعاتىنىڭ عاجايىپتارىن كورسەتەتىن كورمە 18 قازاننان 7 قاراشاعا دەيىن جالعاسادى.
بايلانىس تەلەفوندارى: +7 7078282636, نۇرسۇلتان