15 قازان كۇنى شاحتينسك قالاسىندا «Qarmet» قىزمەتكەرلەرى مەن جەرگىلىكتى تۇرعىنداردى بوپسالاعان قىلمىستىق توپ قولعا ءتۇستى, دەپ جازادى Egemen.kz.
ءىىم مالىمەتىنشە, ۇستالعانداردىڭ باسىم بولىگى جاستار بولىپ شىققان. سونداي-اق قىلمىستىق توپ قۇرامىندا ارالاس جەكپە-جەك جاتتىقتىرۋشىسى دا بار ەكەنى انىقتالدى.
بۇعان دەيىن تەمىرتاۋ, ساران, اباي قالالارىندا اۋىر قىلمىستارعا, سونىمەن قاتار «Qarmet» اق وبەكتىلەرىنەن تاۋارلىق-ماتەريالدىق زاتتاردى ۇرلاۋعا جانە كاسىپورىن قىزمەتكەرلەرىن بوپسالاۋعا قاتىسى بار باسقا دا قىلمىستىق توپتاردىڭ قاتىسۋشىلارى ۇستالعان بولاتىن.
وسى فاكتىلەر بويىنشا ىشكى ىستەر ورگاندارىنا 100-دەن استام كۇدىكتى جەتكىزىلىپ ولاردىڭ 39-ى قاماۋعا الىنعان. 150-گە جۋىق ءتىنتۋ شارالارى جۇرگىزىلگەن. قارۋ-جاراق پەن وق-دارىلەر, سونداي-اق باسقا دا زاتتاي دالەلدەمەلەر تاركىلەنگەن.
«اۋىر قىلمىستاردىڭ 16 ەپيزودى بويىنشا ءۇش قىلمىستىق ءىس سوتقا جىبەرىلدى. كريمينالدىق توپتاردىڭ جولىن كەسۋ ناتيجەسىندە وڭىردە 30-دان استام اتىس جانە تراۆماتيكالىق قارۋ, وق-دارىلەر تاركىلەندى. وڭىرلەردە قۇقىقتىق ءتارتىپتى قامتاماسىز ەتۋ بويىنشا جۇمىس جالعاسىپ جاتىر», دەدى ءىىم ۇيىمداسقان قىلمىسقا قارسى كۇرەس دەپارتامەنتى وكىلى قۋاندىق الپىس.