بۇگىن الماتىدا «پەدياتريا جانە بالالار حيرۋرگياسىنىڭ جەتىستىكتەرى مەن دامۋ بولاشاعى» اتتى سەزد ءوز جۇمىسىن باستادى.
ەكى كۇنگە جالعاساتىن سەزد جۇمىسىنا يتاليا, پولشا, قىرعىزستان, وزبەكستان, ءازىربايجان, رەسەي, بەلارۋس مەن باسقا دا الىس جانە جاقىن ەلدەردىڭ پەدياتريا جانە بالالار حيرۋرگياسى سالاسىنىڭ جەتەكشى عالىمدارى مەن ساراپشىلارى, ونلاين جانە وففلاين فورماتتا وتاندىق 900-دەن استام پەدياترلار مەن بالالار حيرۋرگ-دارىگەرلەرى قاتىسىپ وتىر.
مەرەيتويلىق القالى باسقوسۋدىڭ اشىلۋ سالتاناتى قر دەنساۋلىق ساقتاۋ ءمينيسترى اقمارال ءالنازاروۆانىڭ, انا مەن بالا دەنساۋلىعىن قورعاۋ دەپارتامەنتىنىڭ ديرەكتورى ماعريپا ەمبەرگەنوۆانىڭ, س.ج.اسفەندياروۆ اتىنداعى قازاق ۇلتتىق مەديتسينا ۋنيۆەرسيتەتىنىڭ وكىلى, كلينيكالىق بلوك بويىنشا پرورەكتورى سۆەتلانا سۇلتانعازيەۆا مەن پەدياتريا جانە بالالار حيرۋرگياسى عىلىمي ورتالىعىنىڭ باسقارما توراعاسى اباي قۇسايىنوۆتىڭ قۇتتىقتاۋ سوزىمەن اشىلدى.
بۇگىن قازاقستان بالالار دارىگەرلەرىنىڭ العاشقى سەزىنىڭ وتكەنىنە – 50 جىل. 1974 جىلى بالالار دارىگەرلەرىنىڭ ءبىرىنشى سەزى ءوتتى. بۇگىندە وسى اتالعان ساتتەن ەستەلىك رەتىندە تەك قانا فوتوسۋرەتتەر عانا ساقتالعانىمەن, سەزدىڭ رۋحى, قاعيداتتارى مەن مىندەتتەرى وزگەرىسسىز قالدى.
بۇگىن دە بۇل زالعا جينالعان بارلىق دارىگەرلەردى ءبىر ماقسات بىرىكتىرسە – ول ەلىمىزدىڭ ەڭ كىشكەنتاي ازاماتتارىنىڭ دەنساۋلىعىن ساقتاۋ مەن جاقسارتۋ.
مەرەيتويلىق شارا 400-دەن استام بالالار دارىگەرلەرىنىڭ باسىن قوستى, تاعى 500-دەن استام دارىگەر ءبىزدى بۇگىن ونلاين تىڭداپ وتىر. زالدا ءوز جۇمىسىنىڭ ناتيجەلەرىمەن بولىسۋگە دايىن شەتەلدىك ارىپتەستەرىمىزدى دە كورۋ ەرەكشە قۋانتادى. پەدياتريالىق قىزمەتتىڭ بولاشاعى تۇرعىسىنان اعا بۋىن ارىپتەستەرىنەن ءبىلىم الىپ, تاجىريبە جينايتىن جانە ءوز تاجىريبەلەرىن جەتىلدىرەتىن كوپتەگەن جاس ماماندار جىگەرلەندىرەدى.
«سەزد قورىتىندىسى بويىنشا قابىلدانعان قارار ەلىمىزدىڭ پەدياتريالىق قىزمەتىن ودان ءارى دامىتۋعا جاڭا سەرپىن بەرەدى دەپ سەنەمىن!», دەدى سەزدىڭ اشىلۋ راسىمىندە پەدياتريا جانە بالالار حيرۋرگياسى عىلىمي ورتالىعىنىڭ باسقارما توراعاسى اباي قۇسايىنوۆ.
الماتى