الماتىنىڭ ورتالىعىندا كوپقاباتتى تۇرعىن ءۇي كەشەندەرىنىڭ بىرىنەن ءورت شىقتى, دەپ حابارلايدى Egemen.kz.
الماتى توتەنشە جاعدايلار دەپارتامەنتىنىڭ حابارلاۋىنشا, جەتىنشى قاباتتاعى پاتەردەگى ءورت عيماراتتىڭ شاتىرىنا وتكەن. ساعات 13:25-تە جالىن اۋىزدىقتالعان.
«وقيعا ورنىندا ەكى ءورت ءسوندىرۋ ءبولىمى قۇرىلدى, باسپالداقتار ارقىلى ءورت مونيتورلارى جەتكىزىلدى. تۇرعىن ءۇي كەشەنىندە ادامداردىڭ بار-جوعىنا بارلاۋ جۇرگىزىلىپ جاتىر. ءورت گيدرانتتارىنا تسيستەرنالار ورناتىلىپ, ۇزدىكسىز سۋمەن قامتاماسىز ەتۋ جۇمىستارى دا جۇرگىزىلىپ جاتىر», دەدى قالالىق تدج.