اۋىل سپورتىن دامىتۋعا باعىتتالعان جوبا

ءىس-شاراعا بوكستان وليمپيا ويىن­دا­رىنىڭ جەڭىم­پا­زى ەرماحان يبرايموۆ, دجيۋ-دجيت­سۋدان سەگىز دۇركىن الەم چەمپيونى جىبەك ق ۇلىمبەتوۆا, وزگە دە تانىمال سپورتشىلار قاتىستى. «AuylSport» جو­باسىن كوپشىلىككە «Halyk» قايى­رىمدىلىق قورىنىڭ الماتى وبلىسى بويىنشا فيليالىنىڭ ديرەكتورى عالىمبەك جاقسىلىقوۆ تانىستىردى. جوبانىڭ نەگىزگى ماقساتى – اۋىل بالالارى مەن جاسوسپىرىمدەرىن سپورت­قا تار­تۋ, سپورتتى ناسيحاتتاۋ, بۇ­قارالىق سپورتتى دامىتۋ, جات­تىقتىرۋشىلاردىڭ بىلىكتىلىگىن ارتتىرىپ, ولاردى جاڭا داع­دى­لارعا بەيىمدەۋ. وسى ورايدا بوكس, كۇرەس, كاراتە, باسكەتبول, ۆولەيبول, شاحمات سەكىلدى سپورتتىڭ التى ءتۇرى قامتىلعان.

– سپورت سالاسىنداعى جە­تىستىكتەردى وليمپيا ويىن­دا­رىمەن بايلانىستىراتىنى­مىز بەلگىلى. اسا ءىرى حالىقارالىق جارىستاردا ەل مە­رەيىن اسقاقتاتىپ جۇر­­گەن ساڭ­لاقتاردىڭ باسىم بولىگى اۋىلدان شىققان. «حا­لىق» قايىرىمدىلىق قورى #اۋىل­فۋتبول جوباسىن قولداۋ بارىسىندا تالاي-تالاي وزەكتى ماسەلەلەرگە نازار اۋدا­رىپ, ەلدى مەكەندەردە فۋتبول عانا ەمەس, باسقا دا سپورت تۇر­لەرىن دا­­مىتۋدى قولعا الدى. وسى­لاي­شا, «AuylSport» جوباسى دۇ­نيەگە كەلدى. جوبا اياسىندا ەلى­مىزدىڭ بارلىق وڭىرىندە 6 سپورت تۇرىنەن 12 مىڭعا جۋىق اۋىل بالاسىن قامتۋ كوزدەلىپ وتىر, – دەدى ع.جاقسىلىقوۆ.

اتالعان جوبانى جۇزەگە اسىرۋ جولى قانداي؟ ەڭ باستىسى, بارلىق ءىس-شارالار وڭىرلەر مەن ايماقتارعا جەكە-جەكە ءبولىنىپ, توپتاستىرىلدى. ءار ايماققا ۇيلەستىرۋشى بەكىتىلدى. جوبا اياسىندا جوعارىدا اتالعان 6 سپورت تۇرىنەن 8-14 جاس ارالىعىنداعى جاستار مەن جاسوسپىرىمدەر اراسىندا ايماقتىق تۋرنيرلەر مەن سول جارىستاردىڭ جەڭىم­پازدارى اراسىندا رەسپۋب­لي­كالىق قورىتىندى باسەكە ۇيىم­داستىرىلادى. سونىمەن قا­تار جاتتىقتىرۋشىلاردى وقى­تۋ, ولاردىڭ بىلىكتىلىگىن ارت­تى­رۋ, تاقىرىپتىق سەمينارلار وتكىزۋ, تورەشىلەر ىسىنە, كوم­مۋ­نيكاتسيالىق داعدىلارعا, الەۋ­­مەتتىك جەلىلەردە بەلسەندى جۇ­مىس ىستەۋگە باسا نازار اۋدارىلادى. تۋرنير جەنىمپازدارى مەن جۇلدەگەرلەرىن سپورت­تىق كيىمدەر, جاتتىعۋ قۇرال­دارىمەن قامتاماسىز ەتۋ, وقۋ-جاتتىعۋ جي­ىندارىن ۇيىمداستىرۋ, چەم­پيونداردىڭ رەسپۋبليكالىق, حالىقارالىق تۋرنيرلەرگە قا­تى­سۋىن قامتا­ماسىز ەتۋ دە قاتاڭ ەس­كەرىلەدى. ەڭ سوڭىندا جىل قو­رىتىندىسى شىعارىلىپ, جو­بانىڭ ۇزدىك سپورتشىلارى ماراپاتتالادى.

كۇنى كەشە عانا سپورت جانە تۋريزم اكادەمياسى مەن «Halyk» قايىرىمدىلىق قورى ىنتىماقتاستىق تۋرالى مە­موراندۋمعا قول قويدى. مە­موراندۋم اۋىلدىق جەرلەردە سپورتتى دامىتۋعا باعىتتالعان بىر­لەسكەن جوبالاردى جۇزەگە اسىرۋدىڭ جاڭا كەزەڭىن باستايدى. تاعى ءبىر ايتا كەتەرلىك جايت, «Halyk» قايىرىمدىلىق قو­رىنىڭ بۇل جوباسى ەلىمىزدىڭ تۇكپىر-تۇكپىرىندەگى مۇقتاج جان­داردى قولداۋعا, حالىقتىڭ ءومىر ءسۇرۋ جاعدايىن جاقسارتۋعا باعىت­تالعان. ۇيىم اۋىلداعى سپورتتى دامىتۋعا وسىعان دەيىن 500 ميلليونعا جۋىق قارجى ءبولدى. سون­داي-اق وسى كۇنگە دەيىن 120-دان استام الەۋمەتتىك جوبانى جۇزەگە اسىرىپ, وعان 85 ميلليارد تەڭگە كولەمىندە قاراجات جۇمسادى.