تانىمال كاسىپكەر, ينجەنەر, ميللياردەر يلون ماسكتىڭ اناسى مەي ماسك الماتى قالاسىنداعى ىقىلاس اتىنداعى حالىق مۋزىكالىق اسپاپتار مۋزەيىن ارالادى, دەپ حابارلايدى Egemen.kz.
مەي ماسك حانىمعا مۋزەي قىزمەتكەرلەرى ەكسكۋرسيا جۇرگىزىپ, 50-دەن استام ۇلتتىڭ مۋزىكالىق اسپابىن تانىستىردى.
ەكسكۋرسيا كەزىندە «Steppe Sons» مودەرن ەتنو-دجاز توبى قوناقتارعا ونەر كورسەتتى.
مەي ماسك حانىم الماتى قالاسى مۋزەيلەر بىرلەستىگى ديرەكتورى ءلاززات ساعىندىقوۆاعا العىس ءبىلدىرىپ, مۋزەيدىڭ جۇمىسىنا ساتتىلىك تىلەدى.
ايتا كەتەيىك, ىقىلاس اتىنداعى حالىق مۋزىكالىق اسپاپتار مۋزەيى – الماتى قالاسى تۇرعىندارى مەن قوناقتارىنىڭ قىزىعۋشىلىعىنا يە بولعان مۋزەيلەردىڭ ءبىرى. مۋزەي 1981 جىلى قۇرىلعان. قورىندا 1 مىڭنان استام مۋزىكالىق اسپاپ بار.
بەلگىلى بولعانداي, يلون ماسكتىڭ اناسى مەي ماسك الماتىدا وتەتىن «Be Woman» فورۋمىنا قاتىسۋ ءۇشىن قازاقستانعا كەلدى.