قالا اكىمىنىڭ ورىنباسارى جاندوس دۇيسەنعاليەۆ وبلىس ورتالىعىندا 1215 كوپقاباتتى ءۇي بولسا, ونىڭ 1048-ىنە سوڭعى ەكى كۇندە جىلۋ بەرىلگەنىن ءمالىم ەتتى, دەپ حابارلايدى Egemen.kz.
«قالعان 167 كوپ قاباتتى ءۇيدىڭ قۇبىرىنا دا جىلۋ كەلىپ تۇر. بۇل ۇيلەردە پيك نەمەسە باسقارۋ نىسانىن رەتتەۋ, ىشكى جىلىتۋ جۇيەلەرىن جۋىپ-شايۋ جۇمىستارى جۇرگىزىلەدى. بۇل جۇمىستاردى سارسەنبى كۇنى اياقتاۋ كوزدەلىپ وتىر. سوندا بارلىق ءۇي جىلۋعا قوسىلادى. جىلۋ قۇبىرلارىندا قانداي دا ءبىر ماسەلە تۋىنداسا, «جايىقجىلۋقۋات» اق-نىڭ كەزەكشى بريگادالارى قاراپ, جوندەپ بەرەدى», دەدى قالا اكىمىنىڭ ورىنباسارى جاندوس دۇيسەنعاليەۆ.
ايتا كەتەيىك, وتكەن اپتادا مەكتەپ, بالاباقشا, اۋرۋحانا سىندى الەۋمەتتىك مەكەمەلەرگە جىلۋ بەرىلگەن ەدى.