قر پرەزيدەنتىنىڭ كەڭەسشىسى – ءباسپاسوز حاتشىسى بەرىك ءۋالي Tengrinews.kz سايتىنا بەرگەن سۇحباتىندا مەملەكەت باسشىسى قاسىم-جومارت توقاەۆقا بريكس قۇرىلىمىنا كىرۋ مۇمكىندىگىن قاراستىرۋ تۋرالى ۇسىنىس تۇسكەنىن ايتتى, دەپ جازادى Egemen.kz.
بەرىك ۋالي قازاقستان بريكس-ءتىڭ دامۋ ەۆوليۋتسياسىن قىزىعۋشىلىقپەن مۇقيات باقىلاپ وتىرعانىن ايتىپ, قۇرىلىمعا كىرۋدىڭ ۇلتتىق مۇددە تۇرعىسىنان ۇتىمدىلىعى ساراپقا سالىنىپ جاتقانىن ءمالىم ەتتى. بۇل كوپ ساتىلى ءۇردىس بولعاندىقتان ۋاقىتتى قاجەت ەتەدى, سوندىقتان قازاقستان تاياۋ بولاشاقتا قۇرىلىمعا كىرۋگە ۇسىنىس بىلدىرۋدەن قالىس قالماق.
سوندىقتان قازاقستان بىرىككەن ۇلتتار ۇيىمىنا باسىمدىق بەرمەك. بۇگىندە بۇل ۇيىمنىڭ حالىقارالىق ارەناداعى سالماعىنا قاتىستى ساۋالدار دا از ەمەس. قر پرەزيدەنتىنىڭ كەڭەسشىسى – ءباسپاسوز حاتشىسى بۇۇ-عا الەمدىك قاۋىمداستىقتىڭ قولداۋى اۋاداي قاجەت ەكەنىن اتاپ ءوتتى.
«پرەزيدەنتتىڭ پىكىرىنشە, بۇۇ دا كەمشىلىكسىز ەمەس. بىراق ءدال سونداي باسقا ۇيىم جوق. سوندىقتان بۇۇ-عا الەمدىك قاۋىمداستىقتىڭ قولداۋى اۋاداي قاجەت.
بۇۇ جارعىسى حالىقارالىق قۇقىقتىڭ نەگىزى بولۋى كەرەك جانە بۇل ىرگەلى قۇجاتتا بەكىتىلگەن قاعيدالاردى بۇزۋعا ەشكىمنىڭ قاقىسى جوق.
پرەزيدەنت بۇۇ قاۋىپسىزدىك كەڭەسىنىڭ ماڭىزدى ءارى تاعدىرشەشتى شەشىم قابىلداۋ ىسىندە دارمەنسىزدىك تانىتىپ وتىرعانىنا وكىنىش بىلدىرگەن ەدى. سوندىقتان مەملەكەت باسشىسى «ورتا دەرجاۆالاردىڭ» مۇددەلەرىن ەسكەرە وتىرىپ, بۇۇ-عا مۇشە مەملەكەتتەردىڭ كەڭ اۋقىمدى كونسۋلتاتسيالارى نەگىزىندە بۇۇ قاۋىپسىزدىك كەڭەسىن رەفورمالاۋدى باستاۋ قاجەت دەپ ەسەپتەيدى», دەدى بەرىك ءۋالي.
قازاق ديپلوماتياسى قاي ۇيىمعا باسىمدىق بەرەتىنى تۋرالى اقپاراتتى قر پرەزيدەنتىنىڭ كەڭەسشىسى - ءباسپاسوز حاتشىسى بەرىك ءۋاليدىڭ سۇحباتىنان تولىق وقي الاسىزدار.