جىل باسىنان بەرى رەسپۋبليكالىق بيۋدجەتتەن 2 ترلن 803 ملرد تەڭگە سوماسىنا زەينەتاقى تولەنگەن, ونىڭ ىشىندە بازالىق زەينەتاقى تولەۋگە – 882,8 ملرد تەڭگە, ىنتىماقتى زەينەتاقى تولەۋگە – 1 ترلن 920,2 ملرد تەڭگە قاراستىرىلعان, دەپ حابارلايدى Egemen.kz.
ايتا كەتەيىك, 2024 جىلعى 1 قازانداعى جاعداي بويىنشا زەينەتكەرلەر سانى 2 ملن 413 مىڭ ادامدى قۇراعان.
«2024 جىلعى 1 قازانداعى جاعداي بويىنشا جيىنتىق زەينەتاقىنىڭ ورتاشا مولشەرى 131 810 تەڭگەنى قۇرادى, ونىڭ ىشىندە ىنتىماقتى زەينەتاقى مولشەرى – 89 211 تەڭگە, بازالىق زەينەتاقى – 42 599 تەڭگە», دەپ حابارلادى ەڭبەك جانە حالىقتى الەۋمەتتىك قورعاۋ مينيسترلىگى.
ەسكە سالايىق, قىركۇيەك ايىندا جالپى زەينەتاقىنىڭ ورتاشا مولشەرى 131 872 تەڭگەنى قۇراعان, ونىڭ ىشىندە ىنتىماقتى زەينەتاقى مولشەرى – 89 436 تەڭگە, بازالىق زەينەتاقى – 42 628 تەڭگە بولدى.