استانادا اۋا رايىنا بايلانىستى اۋە رەيستەرى كەشىگىپ جاتىر

استانا اۋەجايىنىڭ ءباسپاسوز قىزمەتى حابارلاعانداي, قازىر 8 رەيس كەيىنگە شەگەرىلگەن. ونىڭ ۇشەۋى ۇشىپ كەتەتىن, بەسەۋى ۇشىپ كەلەتىن رەيس.

ونلاين تابلوداعى مالىمەتكە زەر سالساق, Qazaq Air IQ 438 ۇشاعى پەتروپاۆلدان كەشىگىپ جاتىر, ول استاناعا 15:20-دا قونۋى كەرەك ەدى, ەندى 15:45-تە جەتەدى. اقتوبەدەن ۇشاتىن ۇشاق ءبىر ساعاتتان كەيىن كەلەدى (17:55-تە ەمەس, 18:55-تە). بۇل رەيستى Qazaq Air كومپانياسى ورىندايدى.

الماتىدان DV 5351 رەيسى (SCAT) ءۇش ساعاتقا كەشىگەدى.

ۇشىپ كەتەتىن ءۇش رەيس تە: نوۆوسىبىرگە (IQ 511, Qazaq Air اۋە كومپانياسى), قىتايدىڭ سانيا قالاسىنا (DV 475, Scat اۋە كومپانياسى), سونداي-اق الماتىعا (IQ 359, Qazaq Air اۋە كومپانياسى) كەيىنگە قالدىرىلدى.

ءباسپاسوز قىزمەتى استانا حالىقارالىق اۋەجايى تومەنگى تەمپەراتۋرا كەزىندە ءۇزىلىسسىز جۇمىس ىستەۋى ءۇشىن بارلىق قاجەتتى شارانى قابىلداپ جاتقانىن حابارلادى.