باسەكەلەستىكتى قورعاۋ جانە دامىتۋ اگەنتتىگىنىڭ استانا قالاسى بويىنشا دەپارتامەنتى «نۇرسۇلتان نازارباەۆ حالىقارالىق اۋەجايى» اق-عا قاتىستى قر باسەكەلەستىكتى قورعاۋ سالاسىنداعى زاڭناماسىن بۇزۋعا جول بەرمەۋ تۋرالى ەسكەرتۋ جاسادى, دەپ حابارلايدى Egemen.kz.
بۇعان دەيىن اۋەجايدىڭ Instagram-داعى رەسمي پاراقشاسىندا اقىلى اۆتوتۇراق ايماقتارىندا تاريفتەردىڭ ءوسۋى تۋرالى اقپارات جاريالانعان ەدى.
سونىمەن قاتار بۇقارالىق اقپارات قۇرالدارىندا تۇراق كەڭىستىگىنىڭ قىمباتتاعانى تۋرالى حابارلانعان.
استانا قالاسى بويىنشا بقدا دەپارتامەنتىنىڭ ەسكەرتۋى ناتيجەسىندە «نۇرسۇلتان نازارباەۆ حالىقارالىق اۋەجايى» اق اقىلى تۇراق ايماقتارىندا باعانىڭ وسۋىنە جول بەرمەۋ جونىندە شارالار قابىلدانعان.