تارازدىق پوليتسەيلەر شارۋاشىلىق قۇرىلىستىڭ اۋلاسىندا قاراسورا وسىرۋمەن اينالىسقان ەر ادامدى انىقتادى, دەپ جازادى Egemen.kz.
ۇستالعان كۇدىكتىنىڭ ناركولوگيالىق ديسپانسەردە ەسەپتە تۇرعانى ءارى بۇرىن سوتتالعانى انىقتالدى.
وبلىستىق پوليتسيانىڭ مالىمەتىنشە, 44 جاستاعى تارازدىقتىڭ اۋلاسىنان كەپتىرىلگەن ماريحۋانا سالىنعان پاكەت, 90 كەسىلگەن قاراسورا بۇتاسى جانە باقشادان تاعى 8 بۇتا تابىلعان. تاركىلەنگەن زاتتىڭ جالپى سالماعى 44,8 كەلىنى قۇراعان.
«ەسىرتكى زاتتارىن زاڭسىز ءوسىرۋ فاكتىسى بويىنشا قىلمىستىق ءىس قوزعالدى. ەر ادام قاراسورانى ءوسىرىپ, ونى كەپتىرىپ, پاكەتتەرگە وراپ وتىرعان.كۇدىكتى ءوز كىناسىن مويىندادى. قازىرگى ۋاقىتتا تەرگەۋ جۇرگىزىلىپ جاتىر», دەدى ەسىرتكى قىلمىسىنا قارسى كۇرەس باسقارماسى باستىعىنىڭ مىندەتىن اتقارۋشى اسقار جۇمابەكوۆ.