2024 جىلعى سۋ تاسقىنى سالدارىنان شاعىن جانە ورتا كاسىپكەرلىك (شوك) سۋبەكتىلەرىنە كەلتىرىلگەن م ۇلىكتىك شىعىنداردى وتەۋ قاعيدالارى شەڭبەرىندە جەرگىلىكتى اتقارۋشى ورگاندار شوك سۋبەكتىلەرىنىڭ زالالدى وتەۋ تۋرالى وتىنىمدەرىن قابىلداۋ جانە قاراۋ بويىنشا جۇمىس جۇرگىزىلىپ جاتىر, دەپ حابارلايدى Egemen.kz.
كاسىپكەرلەردىڭ م ۇلىكتىك شىعىندارىن وتەۋ ءۇشىن ۇكىمەت رەزەرۆىنەن 12,1 ملرد تەڭگە سوماسىندا قاراجات ءبولىندى.
2024 جىلدىڭ 1 قازانىنا شوك سۋبەكتىلەرىنەن 15 ملرد تەڭگە سوماسىنا 764 ءوتىنىم كەلىپ تۇسكەن. شامامەن 12 ملرد تەڭگە سوماعا 630 ءوتىنىم بويىنشا وڭ شەشىم قابىلداندى, ونىڭ ىشىندە 10,1 ملرد تەڭگەدەن استام سوماعا 615 ءوتىنىم (وتىنىمدەردىڭ جالپى سانىنىڭ 80,4%-ى) بويىنشا تولەمدەر تولىق كولەمدە جۇرگىزىلدى.
30 ءوتىنىم بويىنشا وتەماقى تولەۋدەن باس تارتۋ تۋرالى شەشىم قابىلداندى. قالعان زارداپ شەككەن وبەكتىلەر بويىنشا باعالاۋ جانە سمەتالىق جۇمىستار جالعاسىپ جاتىر, ولار اياقتالعاننان كەيىن وتىنىمدەر وڭىرلىك كوميسسيالاردىڭ قاراۋىنا شىعارىلادى.
وتىنىمدەردىڭ باسىم بولىگى اتىراۋ (423 ءوتىنىم) جانە سولتۇستىك قازاقستان (107 ءوتىنىم) وبلىستارىنان كەلىپ ءتۇستى. باتىس قازاقستان وبلىسىنان - 87 ءوتىنىم, قوستاناي وبلىسىنان - 68 ءوتىنىم, اقتوبە وبلىسىنان - 51 ءوتىنىم, سونداي-اق اقمولا وبلىسىنان - 28 ءوتىنىم كەلىپ تۇسكەن.
ەسكە سالا كەتەيىك, قولدانىستاعى قاعيدالارعا سايكەس جوعالعان م ۇلىكتىڭ (عيماراتتاردىڭ, قۇرىلىستاردىڭ, جابدىقتاردىڭ) قۇنى, تاۋارلىق-ماتەريالدىق قۇندىلىقتاردىڭ قۇنى, زاقىمدالعان عيماراتتار مەن قۇرىلىستاردى قالپىنا كەلتىرۋ جۇمىستارىنىڭ قۇنى وتەلۋگە جاتادى.