استانادا جاقسىلىق ۇشكەمپىروۆ اتىنداعى جەكپە-جەك سارايىندا جاستار, ەرەسەكتەر جانە ارداگەرلەر اراسىندا Grappling جانە Grappling G بويىنشا الەم چەمپيوناتى ءوتىپ جاتىر, دەپ حابارلايدى Egemen.kz.
قالا اكىمدىگىنىڭ مالىمەتىنشە, وندا الەمنىڭ 30 ەلىنەن 1800 قاتىسۋشى 218 سالماق دارەجەسىندە 872 مەدالدى ساراپقا سالادى.
«تۋرنير جوعارى دەڭگەيدە ءوتىپ جاتىر. سپورتشىلار بار كۇشىن سالىپ, ناعىز شەبەرلىك كورسەتىپ جاتىر. وسى كورىنىستى تاماشالاي وتىرىپ, قاتىسۋشىلاردىڭ كوبىنىڭ كاسىبيلىگىنە تاڭدانامىن. بارلىق قۇرامالار مىقتى بالالاردى اكەلدى», دەدى سانكت-پەتەربۋرگتەن كەلگەن جاتتىقتىرۋشى زۋلفاكار ۋسمانوۆ.
ءتۋرنيردىڭ العاشقى كەزەڭدەرى جاس ساناتتارىن اياقتادى: U15, U17.
8 قازاندا جاستار مەن كادەتتەر اراسىندا Grappling ءپانى بويىنشا سپورتشىلاردى ماراپاتتاۋ ءوتتى جانە جارىستىڭ ەكىنشى كەزەڭى باستالدى.
«الەم چەمپيوناتىندا التىنعا تالاسۋعا كەلگەن سپورتشىلاردىڭ وتە جوعارى سىنىبىن اتاپ ءوتۋ قاجەت. سونداي-اق رەسەي, ۋكراينا, پولشا, يسپانيا قۇراما كوماندالارىنىڭ مىقتى دەڭگەيىن اتاپ وتۋگە بولادى. سونىمەن قاتار ءبىزدىڭ سپورتشىلار كوپتەگەن سالماق دارەجەلەرىندە سەنىمدى تۇردە كوش باستاپ كەلەدى جانە تۇعىردا بەلسەندى ورىن الادى», دەدى قر گرەپپلينگ قاۋىمداستىعىنىڭ پرەزيدەنتى, قر گرەپپلينگتەن ۇلتتىق قۇراماسىنىڭ باس جاتتىقتىرۋشىسى قانات الين.