الماتى وبلىسىنىڭ پوليتسيا باسقارماسى تالعارداعى جاس جىگىت قازا بولعان كۇنى وقيعا بولعان جەردەگى بەينەباقىلاۋ كامەرالارىنداعى جازبالار وشىرىلگەن دەگەن اقپاراتتىڭ تارالۋىنا رەسمي جاۋاپ بەردى, دەپ جازادى Egemen.kz.
پوليتسيا بۇل اقپاراتتى جوققا شىعاردى. باسقارما سوتقا دەيىنگى تەرگەپ-تەكسەرۋ شەڭبەرىندە بارلىق قولدا بار بەينەجازبالار پوليتسيا تاراپىنان تاركىلەنىپ, قىلمىستىق ءىس ماتەريالدارىنا زاتتاي دالەل رەتىندە تىركەلگەنىن مالىمدەدى.
«قازىرگى ۋاقىتتا تەرگەۋ بارىسىندا بارلىق بەينەجازبالار زەرتتەلىپ, وقيعاعا قاتىسۋشىلاردىڭ ارەكەتتەرىنە قۇقىقتىق باعا بەرىلەتىن بولادى», دەلىنگەن الماتى وبلىسى پوليتسيا باسقارماسى تاراتقان حابارلامادا.
رەسمي ورگان حابارلاما ايعاعى رەتىندە جوعارىداعى سكرينشوتتى ۇسىنعان.
سونداي-اق, پوليتسيا باسقارماسى تۇرعىنداردى تەك رەسمي اقپاراتقا سەنۋگە شاقىرىپ, جالعان اقپارات تاراتۋشىلار قىلمىستىق جاۋاپكەرشىلىككە تارتىلاتىنىن ەسكەرتكەن.