NU اۋىل تۇلەكتەرىنە قانداي مۇمكىندىك بەرەدى؟

مادەنيەت بەسپاەۆ – پاۆلودار وبلىسى ەرتىس اۋدانى قوس­اعاش شاعىن اۋلىنىڭ تۋماسى. بالا كەزىنەن مادەنيەت فيزيكاعا, عا­رىش­قا قاتىستى بارلىق نارسەگە قىزىعاتىن: «عارىش تۋرالى ەنتسيكلوپەديا مەنىڭ عالامدى زەرتتەۋگە دەگەن سۇيىس­پەنشىلىگىمدى وياتتى. 7-سىنىپتا پاۆلودار قالاسىنداعى فيزيكا-ماتەماتيكا باعىتىنداعى نازارباەۆ زياتكەرلىك مەكتەبىنە وقۋعا ءتۇسىپ, ونى ۇزدىك ءبىتىر­دىم. ەمتيحانداردى ءساتتى تاپسىرىپ, NU-عا «مەحانيكالىق جانە اەرو­عارىشتىق ينجەنەر» مامان­دىعىنا ءتۇستىم. وسى­لايشا, قىزى­عۋ­شى­لىعىم مەن حوببيىمە تولىق سايكەس كەلەتىن ماماندىقتى وسى ۋني­ۆەر­سيتەتتەن تاپتىم. سونداي-اق NU-دى تاڭداۋدىڭ نەگىزگى سەبەپ­­تەرىنىڭ ءبىرى ونىڭ جوعارى مار­تەبەسى ءارى ستۋدەنتتەرىنە جەكە جانە كاسىبي وسۋگە بەرەتىن مۇمكىن­دىك­تەرى بولدى», دەيدى ستۋدەنت.

م.بەسپاەۆ باكالاۆريات­ بىتىر­گەننەن كەيىن وسى ۋنيۆەرسي­تەت­تە ماگيس­­تراتۋرادا وقۋىن جال­عاس­تى­رۋ­دى ۇيعارادى. ول NU-دا العان ءبىلىمى ونىڭ تاماشا مامان بولۋى­نا سەپتىگىن تيگىزەتىنىنە سەنىمدى.

NU-عا ۇمىتكەرلەردىڭ كوپ­شىلىگى گرانت بويىنشا وقيدى, ولار ۇزدىك وقىسا, ستيپەنديا دا بەرىلەدى. NU-عا تۇسۋگە اۋىلدىق كۆوتا جوق, اۋىل­دىق تالاپكەرلەر تەڭ شارتتارمەن قابىلدانىپ, ەڭ دارىندى بالالار ەلىمىزدىڭ جەتەكشى جوو-عا تۇسەدى.

NU ستۋدەنتتەرگە زەرت­تەۋ­­شى­لەرگە وتە ماڭىزدى Q1 دەڭ­­گەيىن­دەگى بەدەلدى عىلىمي جۋرنال­داردا جاريالاۋ مۇم­كىن­دىگىن بە­رەدى. ستۋدەنتتەر عى­لىمداعى العاشقى قادامىن پروفەسسورلارىمەن بىرگە سەنىمدى تۇردە جاسايدى, باسقا ۋنيۆەرسيتەتتەردە ونداي مۇمكىندىك جوق. ستۋدەنتتەر ءبىرىنشى كۋرس­تان باستاپ عىلىمي جوبا­لارعا قاتىسىپ, ۇزدىك وقىتۋ­­شىلاردىڭ جەتەكشىلىگىمەن تاجى­ريبە, ءبىلىم الادى. بۇل زەرتتەۋ داعدىلارىن دامىتۋعا, عىلىمنىڭ ءارتۇرلى سالاسىن تەرەڭ تۇسىنۋگە كومەكتەسەدى. ستۋدەنتتەر حالىقارالىق كونفە­رەنتسيا­لار­­عا قاتىسىپ, اتاقتى زەرت­تەۋ­شىلەرمەن ىنتى­ماقتاسا الادى. 2023 جىلى NU ستۋدەنتتەرى 300 عىلىمي ماقالانىڭ اۆتورى, ولاردىڭ 64%-ى بەدەلدى Q1 جۋرنالدارىندا جاريالاندى. بۇل ستۋدەنتتەر زەرتتەۋلەرىنىڭ جوعارى دەڭگەيىن, كاسىبي قىزمەتكە دايىن­دىعىن كورسەتەدى.

ءمادينا امانكەلدينوۆا شى­عىس قازاقستان وبلىسىنىڭ زاي­سان قالاسىندا ءوسىپ, زايسان­داعى ح.مۇستافينا اتىنداعى ورتا مەكتەپتى بىتىرگەن. وعان ەڭ قيىنى اعىلشىن ءتىلىن مەڭگەرۋ ەدى, ال ءمادينا ءوز بەتىمەن دايىندالدى. ەڭبەكقورلىعى­مەن گرانتقا يە بولىپ, قازىر كومپيۋتەرلىك عالىم­دار باعىتىندا وقىپ جاتىر. «مەن NU-دى تاڭدادىم, ويتكەنى ەلىمىزدە وسى جەردە عانا حالىقارالىق دەڭ­گەي­دە ءبىلىم الا الاتىنىمدى ءتۇسىن­دىم, سونى­مەن قاتار مۇندا شەتەل­دىڭ ەڭ جارقىن, ەڭ ءورشىل جاستارى جي­نال­عان وتە ساپالى قوعامداس­تىق بار».

ۋنيۆەرسيتەت ستۋدەنتتەرى­نىڭ دارىن­دىلىعىن قولداۋعا, دامى­تۋعا, ولارعا ءبىلىم الۋ مەن وسۋ­گە بىرەگەي مۇمكىندىك بەرۋگە ۇم­تى­لادى. اتالعان جوعارى وقۋ ورنى ءاربىر ىزدەنۋ­شىنىڭ ستۋدەنتتىك ومىرگە قاتىسۋ ارقىلى الەۋەتىن تولىق اشاتىن قولايلى ورتانى قام­تا­ماسىز ەتەدى. ستۋدەنتتىك ۇكى­مەت, سپورت كلۋبتارى (ولاردىڭ سانى 80-نەن اسادى), ءتۇرلى باستا­ما ستۋ­­­دەنت­تەرگە ۋنيۆەرسيتەت ومىرىنە بەل­­­سەنە ارالاسىپ, كوشباسشىلىق قا­بى­­­لەت­­تەرىن دامىتۋعا جاعداي جاسايدى.

ۋنيۆەرسيتەتتىڭ باستى ماقساتى – ءوز تۇلەكتەرىنە ەلىمىزدىڭ دامۋىنا بەلسەندى قاتىسۋى ءۇشىن تابىس­تى مانساپقا قاجەتتى ءبىلىم مەن داعدىلاردى بەرۋ. ۋنيۆەرسيتەتتە اباي فيلوسوفياسىنا نەگىزدەل­گەن «تولىق ادام» تاربيە جۇ­مى­­سىنىڭ تۇجىرىمداماسىندا ستۋ­­دەنتتەردىڭ بويىندا ىزگىلىك, زەر­دەلىلىك, سانالى كۇش-قۋاتتى دا­مى­تۋ­دىڭ ماڭىزدى­لى­عى كورسە­تىل­گەن.

قۇرىلعاننان بەرى NU ءارتۇرلى سالادا, سونىڭ ىشىندە ينجەنە­ريا, عىلىم, گۋمانيتارلىق عى­لىم­دار, مەديتسينا, بيزنەس, ءبىلىم بەرۋ, مەملەكەتتىك سايا­ساتتا تابىس­قا جەت­كەن 10 000-نان اسا ستۋدەنت­تى دايار­لا­دى. جۇمىسپەن قام­­تىل­عان تۇلەك­تەردىڭ 90%-دان استامى ەلىمىزدىڭ ەكو­نو­ميكالىق, الەۋمەتتىك دامۋى­نا ءوز ۇلەسىن قوسىپ كەلەدى.