انتيكور قازاقستاننىڭ وليمپيادادا تومەن ناتيجە كورسەتۋ سەبەبىن انىقتادى

تالداۋ قورىتىندىسىندا ەلدەگى سپورتتىڭ دامۋى مەن الەمدىك دەڭگەيدەگى سپورت سايىستارىندا جوعارى ناتيجەگە جەتۋ جولىندا كەدەرگى كەلتىرەتىن جۇيەلى جەمقورلىق تاۋەكەلدەرى بار ەكەنى بەلگىلى بولدى.

ەلىمىزدە كەيىنگى 6 جىلدا سپورت سالاسىن قارجىلاندىرۋعا شامامەن 1,4 تريلليون تەڭگە بولىنگەن. 2018 ج. – 165 ملرد تەڭگە, 2019 ج. – 204 ملرد تەڭگە, 2020 ج. – 177 ملرد تەڭگە, 2021 ج. – 223 ملرد تەڭگە, 2022 ج. – 296 ملرد تەڭگە, 2023 ج. – 340 ملرد تەڭگە. وسى جانە الداعى ەكى جىلدا تاعى 1,3 تريلليون تەڭگە ءبولۋ جوسپارلانعان. 

انتيكور وتاندىق سپورتقا بولىنگەن قارجى ورتالىق ازيا جانە الىس شەت ەلدەردىڭ ىشىندە كانادا, نورۆەگيا, نيدەرلاند بيۋدجەتتەرىنەن بىرنەشە ەسە ارتىق ەكەنىن ايعاقتاپ, سالاداعى جەتىستىكتەر كوڭىل كونشىتپەيتىنىنە نازار اۋدارعان.

ماسەلەن, قازاقستان وليمپيادا ويىندارى بويىنشا مەدالدىق ەسەپتە 2020 ج. – 83 ورىن (8 – قولا), 2022 ج. – 0 مەدال, 2024 ج. – 43 ورىن (1 – التىن, 3 – كۇمىس, 3 – قولا) جانە دۇنيەجۇزىلىك سپورت رەيتينگىندە (2014 ج. – 25 ورىن, 2018 ج. – 47 ورىن, 2023 ج. - 42 ورىن) وسى رەتپەن تومەن سىرعي بەرگەن.

اگەنتتىك سپورتتاعى قۇلدىراۋدىڭ بىرنەشە فاكتورىن انىقتاعان. سونىڭ العاشقىسى - قارجىلاندىرۋداعى تەڭگەرىمسىزدىك. ەلدەگى سپورتتىق ساياسات شەتەلدىكتەردى تارتۋ ارقىلى از ۋاقىتتاعى ناتيجەنى كوزدەگەن. سايكەسىنشە ءوز تالانتتارىمىزعا جەتكىلىكتى دەڭگەيدە قولداۋ كورسەتىلمەگەن. تاۋەلسىزدىك جىلدارى قازاقستان وليمپيادالىق سپورت تۇرلەرىنەن 126 لەگيونەردى ساپقا قوسقان. ۋاقىت وتە كەلە اتالعان 126 سپورتشى ەلدەرىنە قايتا ورالعان. سونداي-اق بۇقارالىق سپورتقا باسىمدىق بەرىلمەۋى دە وتاندىق سپورتتىڭ تەڭسەلۋىنە سەپ بولىپ تۇر. ماسەلەن, قازاقستاننىڭ بۇقارالىق سپورتقا جۇمساعان شىعىنى جوعارى جەتىستىكتەر سپورتىنا قاراعاندا 9 ەسە از بولىپ شىققان.

سپورتتىق جەتىستىگى جەتەرلىك ەلدەردىڭ تاجىريبەسى كەرىسىنشە. ولار بۇقارالىق سپورتتى سۇيەمەلدەۋ ارقىلى الەمدىك ارەنادا جوعارى كورسەتكىشتەرگە قول جەتكىزگەن. نيدەرلاندتا (17,8 ميلليون) بۇقارالىق سپورتقا جۇمسالاتىن شىعىندار كاسىبي سپورتقا (246 ميلليون دوللار) قاراعاندا 2 ەسە كوپ (497 ميلليون دوللار). ال قازاقستان وسى ەلمەن سالىستىرعاندا جوعارى جەتىستىكتەر سپورتىنا 3 ەسە كوپ, ال بۇقارالىق سپورتقا 7 ەسە از قارجى جۇمسايتىنى انىقتالعان.

فورمالدىق كورسەتكىشتەر. قازاقستان رەسپۋبليكاسىنىڭ دەنە شىنىقتىرۋ مەن سپورتتى دامىتۋدىڭ 2023-2029 جىلدارعا ارنالعان تۇجىرىمداماسىنا ەنگىزىلگەن بۇقارالىق سپورت تۇرلەرىن دامىتۋ كورسەتكىشتەرى فورمالدى سيپاتقا يە. مىسالى, اكىمدىكتەر جىل سايىن 20 مىڭنان استام سپورتتىق-بۇقارالىق ءىس-شارا, كۇنىنە ورتا ەسەپپەن 3 ءىس-شارا وتكىزۋى ءتيىس.

ب ۇلىڭعىر باسىمدىقتار. انتيكور تالداۋىنا سايكەس, ەلىمىزدە جوعارى جەتىستىكتەر سپورتىندا باسىم سپورت تۇرلەرىنىڭ بولماۋىنا بايلانىستى تانىمال ەمەس جانە ناتيجەسىز سپورت تۇرلەرى قارجىلاندىرىلعان.

2023 جىلى سپورتتىڭ 31 تۇرىنەن بىردە-ءبىر مەدال جوق. 2024 جىلى قارجىلاندىرىلاتىن باعىتتاردىڭ سانى 141 تۇرگە دەيىن وسكەن.

شەتەلدە سپورتتىڭ «نۇكتەلىك» باعىتتارىنا باسىمدىق بەرىلەتىنىن ەسكەرسەك, ( ۇلىبريتانيادا جازعى وليمپيادا ويىندارىنىڭ 19 ءتۇرى, گەرمانيادا – 18, اۆستراليادا – 12) وسى تاجىريبەنى قولدانۋدىڭ تيىمدىلىگى ايقىندالادى.