قازاقستاندا وتكەن اەس قۇرىلىسىنا قاتىستى رەفەرەندۋم بويىنشا العاشقى exit poll ناتيجەسى جاريالاندى. قازاقستان ازاماتتارىنىڭ 69,8%-ى اەس قۇرىلىسىن قولداپ, ء«يا» دەگەن جاۋاپ بەردى, دەپ حابارلايدى Egemen.kz.
«استانا – كەشەندى الەۋمەتتىك زەرتتەۋلەر ينستيتۋتى» جەكە قورى «حابار» اگەنتتىگىنىڭ تاپسىرىسى بويىنشا 2024 جىلعى 6 قازاندا وتكەن اەس قۇرىلىسى ماسەلەسى بويىنشا رەسپۋبليكالىق رەفەرەندۋمدا داۋىس بەرۋ كۇنى exit poll (رەفەرەندۋم ۋچاسكەلەرىنەن شىققان ازاماتتار اراسىندا ساۋالناما) وتكىزدى.
«ۇزدىكسىز اعىن ادىستەمەسىنىڭ كومەگىمەن قازاقستاننىڭ 189 ۋچاسكەسىندە داۋىس بەرگەن 283 519 ازامات قامتىلدى. ولاردىن رەفەرەندۋم اياسىندا قويىلعان ء«سىز قازاقستاندا اتوم ەلەكتر ستانتسياسىن سالۋعا كەلىسەسىز بە؟» دەگەن سۇراققا قالاي جاۋاپ بەرگەنى سۇرالدى. بۇل رەتتە, exit poll ناتيجەسىندە اەس قۇرىلىسىن قولداپ, ء«يا» دەپ داۋىس بەرگەندەر سانى ساۋالناماعا قاتىسقان ادامداردىڭ 69,8 پايىزىن قۇرادى. ساۋالناماعا قاتىسقانداردىڭ 30,2 پايىزى كەلىسىمىن بەرمەگەن. ۋچاسكەلەرگە كەلۋ كورسەتكىشى 67,3 پايىز دەڭگەيىندە بولدى», دەدى «استانا – كەشەندى الەۋمەتتىك زەرتتەۋلەر ينستيتۋتى» جەكە قورىنىڭ تالداۋشىسى الىبەك تاجىباەۆ.